ဗီယက်နမ်နိုင်ငံ၊ ဟနွိုင်းမြို့တော် သယ်ယူပို့ဆောင်ရေးကွန်ရက်တွင် သဘာဝပတ်ဝန်းကျင်ကို ထိန်းသိမ်းရန်နှင့် မြို့ပြအများပြည်သူသယ်ယူပို့ဆောင်ရေးစနစ် ပိုမိုကောင်းမွန်လာစေရန်အတွက် လျှပ်စစ်ဘတ်စ်ကား ၅၃ စီးကို ၂၀၂၆ ခုနှစ်၊ ဧပြီလ ၁၉ ရက်နေ့မှစ၍ ထပ်မံတိုးချဲ့ပြေးဆွဲပေးနေပြီဖြစ်ကြောင်း သိရသည်။
ဤတိုးချဲ့မှုသည် ဟနွိုင်းမြို့တော်ရှိ ဘတ်စ်ကားလိုင်းများကို လျှပ်စစ်နှင့် သန့်ရှင်းသောစွမ်းအင်သုံး ယာဉ်များအဖြစ် ပြောင်းလဲရန် မြို့ပြအာဏာပိုင်များ၏ စီမံကိန်းအရ ဆောင်ရွက်ခြင်းဖြစ်သည်။ အဆိုပါ လျှပ်စစ်ဘတ်စ်ကားသစ်များကို အဓိက လမ်းကြောင်းများတွင် ဖြန့်ကြက်ပြေးဆွဲသွားမည်ဖြစ်ပြီး၊ သက်သောင့်သက်သာရှိသော ထိုင်ခုံများ၊ ဒစ်ဂျစ်တယ်ငွေပေးချေမှုစနစ်များနှင့် လေထုညစ်ညမ်းမှု လျှော့ချရေး နည်းပညာများ ပါဝင်မည်ဖြစ်သည်။ဟနွိုင်းမြို့တော်သည် ၂၀၃၀ ပြည့်နှစ်တွင် အများပြည်သူသုံး ဘတ်စ်ကားအားလုံးကို လျှပ်စစ် သို့မဟုတ် စွမ်းအင်သစ်သုံး ယာဉ်များအဖြစ် အစားထိုးနိုင်ရန် ရည်မှန်းထားပြီး၊ ယခုကဲ့သို့ ယာဉ်အင်အားတိုးမြှင့်ခြင်းဖြင့် မြို့ပြယာဉ်ကြောပိတ်ဆို့မှုနှင့် မီးခိုးငွေ့ထုတ်လွှတ်မှုများကို သိသိသာသာ လျှော့ချနိုင်မည်ဟု မျှော်လင့်ထားကြောင်း သိရသည်။
