ရှမ်းပြည်နယ်၊တာချီလိတ်တွင် မိုးသည်းပြီး ရေကြီး

ရှမ်းပြည်နယ်၊တာချီလိတ်မြို့တွင် ယမန်နေ့ ဧပြီလ ၁၈ရက် ညဦးပိုင်းက မိုးသည်းပြီး နေရာအချို့တွင် ရေကြီးနေကြောင်း ဒေသခံများထံမှ သိရသည်။ညဦးပိုင်းက မိုးရွာသွန်းခဲ့ရာတွင် မိုးသီးအနည်းငယ်လည်း ကျဆင်းခဲ့ကြောင်း သိရသည်။လေပြင်းတိုက်ခတ်ခြင်းကြောင့် မြို့နယ်အတွင်း နေရာအချို့ရှိ ဆိုင်းဘုတ်များလဲခြင်း၊ အင်တာနက်ဝိုင်ဖိုင် ကြိုးများ ပြတ်ကျခြင်း ၊ လမ်းဘေးစျေးဆိုင်ခန်းများ ပစ္စည်းများ ပျက်စီးခြင်းများဖြစ်ပေါ်ခဲ့ပြီး မိုးရွာသွန်းစဉ်၌ ရပ်ကွက်များရှိ  လမ်းပေါ်အချို့၌ ရေတင်ကျန်ခဲ့ကြောင်း သိရှိရသည်။ပျက်စီးဆုံးရှုံးမှုများ ရှိမည့်နေရာများအား စာရင်းကောက်ယူပြီးမြို့အထောက်အကူပြု ကော်မတီ အဖွဲ့မှ သက်ဆိုင်ရာတာဝန်ရှိသူများနှင့် ညှိနှိုင်းဆောင်ရွက်ကာ ကူညီပေးနိုင်ရေး ဆောင်ရွက်မည် ဖြစ်ကြောင်း သိရှိရသည်။