ပြည်တွင်း‌၌ သက်သာသောဈေးနှုန်းများဖြင့် ဆန်ရောင်းချမှုတိုးမြှင့်မည်

သက်သာတဲ့ဈေးနှုန်းတွေနဲ့ ဆန်ရောင်းချပေးတာကို တိုးမြှင့်ဆောင်ရွက်ပေးသွားမယ်လို့ မြန်မာနိုင်ငံဆန်စပါး အသင်းချုပ်က ထုတ်ပြန်ပါတယ်။အခုနှစ် မတ်လဆန်းက စတင်ဖြစ်ပေါ်ခဲ့တဲ့ အရှေ့အလယ်ပိုင်းစစ်ပွဲနဲ့ နိုင်ငံတကာစီးပွားရေးမတည်ငြိမ်မှုတွေ၊  စက်သုံးဆီဈေးနှုန်းမြင့်တက်မှုနဲ့ သယ်ယူပို့ဆောင်ရေးအခက်အခဲတွေ‌ကြောင့် အခြေခံပြည်သူတွေ ဝယ်ယူစားသုံး တဲ့ ဆန်ဈေးနှုန်းတွေကို သင့်တင့်မျှတမှုဖြစ်စေဖို့ သက်သာတဲ့ဈေးနှုန်းတွေနဲ့ ရောင်းချပေးတဲ့အစီအစဉ်တွေကို တိုးမြှင့်ဆောင်ရွက်သွားမှာဖြစ်တယ်လို့ ဆိုပါတယ်။တိုးမြှင့်ဆောင်ရွက်မယ့်အစီအစဉ်အရ ဆန်စက်တွေမှာ ဧည့်မထဆန်တစ်ပြည်ကို ၂,၅၀၀ ကျပ် ၊ ရက် ၉၀ နဲ့ တစ်ခြား ပြည်တွင်းစားဆန်တွေကို ဆန်အမျိုးအစားအရည်အသွေးပေါ်မူတည်ကာ တစ်ပြည်ကို ကျပ် ၃,၀၀၀ ကနေ ကျပ် ၃,၅၀၀၊  ဧရာဝတီပေါ်ဆန်းဆန်တွေကို အမျိုးအစားအရည်အသွေးပေါ်မူတည်ပြီး တစ်ပြည် ကို ကျပ် ၅,၀၀၀ ကနေ ကျပ် ၆,၀၀၀ အတွင်း ရောင်းချပေးသွားမယ်လို့ သိရပါတယ်။