မြစ်ကြီးနားမြို့၌ (၁၃) ကြိမ်မြောက် သုတစုံလင်ဗုဒ္ဓဝင် အရည်အချင်းစစ် စာမေးပွဲ ကျင်းပပြီးစီး

ကချင်ပြည်နယ်၊ မြစ်ကြီးနားမြို့တွင် ဗုဒ္ဓဘာသာဝင်များ၏ သာသနာရေးဆိုင်ရာ အသိပညာဗဟုသုတများ တိုးပွားလာစေရန် ရည်ရွယ်၍ "ကချင်ပြည်နယ် သုတစုံလင်ဗုဒ္ဓဝင်အဖွဲ့ (မြစ်ကြီးနား)" မှ ကြီးမှူးကျင်းပသော (၁၃) ကြိမ်မြောက် အရည်အချင်းစစ် စာမေးပွဲကို ၂၀၂၆ ခုနှစ်၊ ဧပြီလ ၉ ရက်နေ့က အောင်မြင်စွာ ကျင်းပခဲ့ပါသည်။အဆိုပါ စာမေးပွဲကို မြစ်ကြီးနားမြို့၊ အောင်ဇေရန်အောင်ကျောင်းတိုက်ရှိ အောင်မင်္ဂလာဇာတ်ရုံတွင် ကျင်းပပြုလုပ်ခဲ့ခြင်းဖြစ်ပြီး၊ ဗဟို၏ (၁၃) ကြိမ်မြောက်နှင့် မြစ်ကြီးနားအဖွဲ့အနေဖြင့် (၂) ကြိမ်မြောက် ကျင်းပသည့် ပွဲတော်လည်း ဖြစ်ပါသည်။ သာသနာတော် အဓွန့်ရှည်တည်တံ့စေရန်နှင့် ဗုဒ္ဓဘာသာယဉ်ကျေးမှုများ ပိုမိုထွန်းကားလာစေရန်အတွက် ဗုဒ္ဓဝင်ဆိုင်ရာ အချက်အလက်များကို စနစ်တကျ လေ့လာဆည်းပူးကာ ဖြေဆိုပူဇော်ခဲ့ကြခြင်းဖြစ်ကြောင်း သိရှိရပါသည်။