စင်ကာပူက ဟော်မုဇ်ရေလက်ကြားကို ဖြတ်သန်းသွားလာခွင့်နှင့် ဖြတ်သန်းခ ကိစ္စရပ်များကို ညှိနှိုင်းမည် မဟုတ်

စင်ကာပူက ဟော်မုဇ်ရေလက်ကြားကို ဖြတ်သန်းသွားလာခွင့်နှင့် ဖြတ်သန်းခ ကိစ္စရပ်များကို ညှိနှိုင်းမည် မဟုတ်ဟု စင်ကာပူနိုင်ငံခြားရေးဝန်ကြီး ဗီဗီယန် ဘာလာခရစ်ရှနန်က ပြောကြားသည်။ ရေလက်ကြား ဖြတ်သန်းသွားလာခြင်းသည် အပြည်ပြည်ဆိုင်ရာဥပဒေ (UNCLOS) အရ တရားဝင်အခွင့်အရေးတစ်ခုဖြစ်သည်။ ဖြတ်သန်းခ ပေးရမည့်နေရာ မဟုတ်ပါ။ ဖြတ်သန်းခ စည်းကြပ်ရန် အထူးအခွင့်အရေး ဟူ၍ မရှိရပါ။ သို့ဖြစ်ရာ ဟော်မုဇ်ရေလက်ကြားကို ဘေးကင်းသော ဖြတ်သန်းသွားလာမှုအတွက် စင်ကာပူသည် အခွန်အခ ပေးမည်မဟုတ်၊ ညှိနှိုင်းမည် မဟုတ်ဟု ၎င်းက ပြောကြားသည်။ စင်ကာပူသည် မလက္ကာရေလက်ကြားနှင့် စင်ကာပူ၏ တရားဝင် လမ်းကြောင်းကို မှီခိုနေရသောကြောင့် ဟော်မုဇ်ရေလက်ကြားတွင် အခွန်ကောက်ခံမှုများ သို့မဟုတ် ညှိနှိုင်းမှုများကို လက်ခံသဘောတူခြင်းသည် ၎င်း၏ကိုယ်ပိုင်ရေပိုင်နက်အပေါ် သက်ရောက်မှုရှိသော စံနမူနာတစ်ခု ဖြစ်လာနိုင်သည်။