မန်ယူနိုက်တက်နောက်ခံလူ မာတီနက်ဇ်နှင့် ဒေါ်ဂူတို့ ဒဏ်ရာမှပြန်လည်သက်သာလာပြီး အသင်းနှင့်အတူ လေ့ကျင့်ခန်းဆင်း

မန်ယူနိုက်တက်အသင်း၏ အဓိကနောက်ခံကစားသမားများဖြစ်ကြသည့် လီဆန်ဒရိုမာတီနက်ဇ်နှင့် ဒေါ်ဂူတို့သည် ဒဏ်ရာများမှ ပြန်လည်သက်သာလာပြီဖြစ်၍ အသင်းအတွက် ပြန်လည်ကစားပေးနိုင်တော့မည်ဖြစ်ကြောင်း သိရသည်။ နည်းပြကာရစ်သည် ၎င်းတို့နှစ်ဦးအား ယခုတစ်ပတ်အတွင်း အိုင်ယာလန်နိုင်ငံ၊ ဒဗ္ဗလင်မြို့၌ ပြုလုပ်သည့် အသင်း၏လေ့ကျင့်ရေးစခန်းသို့ ခေါ်ဆောင်သွားခဲ့ပြီဖြစ်သည်။ခြေသလုံးကြွက်သားဒဏ်ရာကြောင့် အသင်းပွဲစဉ် ၅ ပွဲအထိ လွဲချော်ခဲ့ရသည့် မာတီနက်ဇ်အား လာမည့် ဧပြီလ ၁၃ ရက်နေ့တွင် အိုးလ်ထရက်ဖို့ဒ်၌ ကစားမည့် လိဒ်စ်ယူနိုက်တက်နှင့်ပွဲစဉ်အမီ ကြံ့ခိုင်မှုပြည့်ဝနေစေရန် အသင်းက မျှော်လင့်ထားသည်။ အဆိုပါပွဲစဉ်တွင် နောက်ခံလူ မက်ဂွိုင်းရားမှာ ပွဲပယ်ပြစ်ဒဏ်ကြောင့် ပါဝင်နိုင်မည်မဟုတ်သဖြင့် မာတီနက်ဇ် ပြန်လည်ကစားနိုင်ခြင်းမှာ အသင်းအတွက် သတင်းကောင်းဖြစ်သည်။