မွန်ပြည်နယ်အစိုးရသစ်ကို ဝန်ကြီး ၁၀ ဦးဖြင့် ဖွဲ့စည်းမည်

မွန်ပြည်နယ်အစိုးရအဖွဲ့သစ်ကို ဝန်ကြီး ၁၀ ဦးဖြင့် ဖွဲ့စည်းသွားမည်ဖြစ်ကြောင်း မွန်ပြည်နယ်ဝန်ကြီးချုပ်အဖြစ် ခန့်အပ်ခံထားရသူ ဗိုလ်မှူးချုပ် အောင်ဝင်းသန်းက ယနေ့ ၂၀၂၆ ခုနှစ်၊ ဧပြီလ ၇ ရက်နေ့တွင် ကျင်းပသည့် မွန်ပြည်နယ်လွှတ်တော် အစည်းအဝေး၌ တင်ပြခဲ့သည်။ အဆိုပါ အစိုးရအဖွဲ့တွင် လုံခြုံရေးနှင့် နယ်စပ်ရေးရာဝန်ကြီး ဗိုလ်မှူးကြီး ကျော်စွာမြင့်၊ စီမံကိန်းနှင့် ဘဏ္ဍာရေးဝန်ကြီး နိုင်လယိတမ၊ လူမှုရေးရာဝန်ကြီး ဦးတင်ဇော်ထွန်းနှင့် လျှပ်စစ်၊ စွမ်းအင်၊ စက်မှုနှင့် လမ်းပန်းဆက်သွယ်ရေးဝန်ကြီး ဦးမင်းဇေယျာဦးတို့ အပါအဝင် ဌာနဆိုင်ရာဝန်ကြီး ၇ ဦးနှင့် ဗမာ၊ ပအိုဝ်း၊ ကရင် တိုင်းရင်းသားရေးရာဝန်ကြီး ၃ ဦး၊ စုစုပေါင်း ဝန်ကြီး ၁၀ ဦး ပါဝင်မည်ဖြစ်သည်။တင်ပြထားသည့် ဝန်ကြီးစာရင်းတွင် စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးအဖြစ် မင်းမြင့်မောင်လေး၊ သယံဇာတနှင့် သဘာဝပတ်ဝန်းကျင်ထိန်းသိမ်းရေးဝန်ကြီးအဖြစ် မိလဝီဟန်၊ စည်ပင်သာယာရေးဝန်ကြီးအဖြစ် ဒေါက်တာအောင်မြတ်ကျော်စိန်တို့ ပါဝင်ပြီး တိုင်းရင်းသားရေးရာဝန်ကြီးများအဖြစ် ဦးမျိုးမင်းလှိုင်၊ ဦးချစ်သိန်းနှင့် ဦးစောအောင်ကျော်သိန်းတို့ ပါဝင်ကြောင်း သိရှိရပါသည်။