တရုတ်နိုင်ငံနှင့် ကုန်သွယ်စီးပွားရေး ပူးပေါင်းဆောင်ရွက်မှုအား ဆက်လက်တိုးချဲ့လိုကြောင်း ကာဂျစ္စတန်နိုင်ငံ ဒုတိယဝန်ကြီးချုပ် (၁) ဆို

တရုတ်နိုင်ငံ စီးပွားရေး ဖွံ့ဖြိုးတိုးတက်မှု အလားအလာသည် အလွန်ကျယ်ပြောကြောင်း၊ ကာဂျစ္စတန်အနေဖြင့် တရုတ်နိုင်ငံနှင့် ကုန်သွယ်စီးပွားရေး ပူးပေါင်းဆောင်ရွက်မှုအား ဆက်လက်တိုးချဲ့သွားလိုကြောင်း ကာဂျစ္စတန်နိုင်ငံ ဒုတိယဝန်ကြီးချုပ် (၁) Daniyar Amangeldiev က ဧပြီ ၃ ရက်တွင် ရုရှားနိုင်ငံ မော်စကိုမြို့၌ ကျင်းပသည့် CIS စီးပွားရေးကောင်စီ အစည်းအဝေးကာလအတွင်း ဆင်ဟွာသတင်းထောက် သီးသန့် တွေ့ဆုံမေးမြန်းမှုကို ဖြေကြားရာ၌ ပြောကြားခဲ့သည်။　ကာဂျစ္စတန်သည် တရုတ်နိုင်ငံ၏ အိမ်နီးချင်းနိုင်ငံဖြစ်ကြောင်း၊ လက်ရှိတွင် ကာဂျစ္စတန်-တရုတ် နှစ်ဖက်ပူးပေါင်းဆောင်ရွက်မှု ဆက်ဆံရေးသည် အဆင့်မြင့်ကာလတွင်ရှိပြီး နှစ်နိုင်ငံ ကုန်သွယ်ရေးပမာဏသည်လည်း မြန်နှုန်းမြင့်တိုးတက်လျက်ရှိ‌ကြောင်း၊ တရုတ်-ကာဂျစ္စတန်-ဥဇဘက်ကစ္စတန်ရထားလမ်း စီမံကိန်းကို လက်ရှိတွင် တက်ကြွစွာ တွန်းအားပေးဖော်ဆောင်လျက်ရှိရာ ယင်းစီမံကိန်းသည် ကာဂျစ္စတန်-တရုတ် ပူးပေါင်းဆောင်ရွက်မှုနှင့် နိုင်ငံစုံပူးပေါင်းဆောင်ရွက်မှုအတွက် တွန်းအားအသစ်များ ပံ့ပိုးပေးသွားမည်ဖြစ်ကြောင်း Daniyar Amangeldiev က ထောက်ပြပြောကြားခဲ့သည်။