ဒူဘိုင်းမြို့ရှိ ခရစ်ယာန်ဘုရားကျောင်းအချို့ကို ပြုပြင်မွမ်းမံမှုများနှင့် လုံခြုံရေးဆိုင်ရာ အစီအမံများကြောင့် ခေတ္တပိတ်ထားရသဖြင့် ယခုနှစ် အီစတာ (Easter) ပွဲတော် ဝတ်ပြုဆုတောင်းပွဲများကို အွန်လိုင်းမှတစ်ဆင့် တိုက်ရိုက်ထုတ်လွှင့် ကျင်းပခဲ့ကြသည်။သို့သော်လည်း လူကိုယ်တိုင် တက်ရောက်ဝတ်ပြုလိုကြသည့် ပြည်ပရောက် ခရစ်ယာန်ဘာသာဝင် အများအပြားမှာ ဒူဘိုင်းနှင့် အနီးအနားရှိ ရှာဂျာ (Sharjah) နှင့် ရပ်စ်အယ်လ်ခိုင်မား (Ras Al Khaimah) မြို့များသို့ သွားရောက်ကာ အီစတာပွဲတော် ဝတ်ပြုခြင်းများကို ဆောင်ရွက်ခဲ့ကြကြောင်း သိရသည်။
ဘုရားကျောင်းအာဏာပိုင်များက ယခုကဲ့သို့ အွန်လိုင်းမှ ဝတ်ပြုနိုင်ရန် စီစဉ်ပေးထားသော်လည်း ဘာသာဝင်များအနေဖြင့် စုပေါင်းဝတ်ပြုလိုကြသည့်အတွက် အိမ်နီးချင်းမြို့များသို့ သွားရောက်ခဲ့ကြခြင်းဖြစ်ပြီး၊ အဆိုပါမြို့ရှိ ဘုရားကျောင်းများတွင်လည်း အီစတာပွဲတော်အတွက် လာရောက်သူများဖြင့် အထူးစည်ကားလျက်ရှိကြောင်း ဖော်ပြထားပါသည်
။
