သာကေတမြို့နယ်ရှိ ဇိနမာရ်အောင်စေတီတော်မြတ်ကြီးနှင့်အရန်စေတီ(၈)ဆူအား ဘက်စုံပြုပြင်ပြီး ရွှေသင်္ကန်းကပ်လှူပူဇော်မည်

ရန်ကုန်တိုင်း၊ သာကေတမြို့နယ်ရှိ ဇိနမာရ်အောင်စေတီတော်မြတ်ကြီးနှင့်အရန်စေတီ(၈)ဆူအား ဘက်စုံပြုပြင်ပြီး စတုတ္ထအကြိမ်မြောက်အဖြစ် ရွှေသင်္ကန်းကပ်လှူပူဇော်မည်ဖြစ်ကြောင်း သိရသည်။ထိုသို့ ပြုလုပ်နိုင်ရေးအတွက် အလှူငွေပေးအပ်ပွဲကို ဧပြီ ၅ ရက်နံနက်ပိုင်းကကျင်းပရာ ရန်ကုန်တိုင်းဒေသကြီးလွှတ်တော်ဥက္ကဋ္ဌဦးဌေးအောင်တက်ရောက်၍ မေတ္တာပြည့်လျှံသာသနာပြုအဖွဲ့မှလှူဒါန်းသည့် အလှူငွေကျပ်သိန်း(၁၂၅၀)ကိုလက်ခံရယူပြီး ဂုဏ်ပြုမှတ်တမ်းလွှာပြန်လည်ပေးအပ်ခဲ့ကြောင်း သိရသည်။