အရှေ့အလယ်ပိုင်းပဋိပက္ခကြောင့် ဘင်္ဂလားဒေ့ရှ်တွင် စွမ်းအင်ချွေတာရန် အလုပ်လုပ်ချိန်များ လျှော့ချ

အရှေ့အလယ်ပိုင်းဒေသရှိ အမေရိကန်-အစ္စရေးနှင့် အီရန်တို့အကြား ဖြစ်ပွားနေသော စစ်ပွဲကြောင့် ကမ္ဘာ့လောင်စာဆီဈေးကွက် မတည်ငြိမ်မှုကို တုံ့ပြန်သည့်အနေဖြင့် ဘင်္ဂလားဒေ့ရှ်အစိုးရက နိုင်ငံတစ်ဝန်း စွမ်းအင်ချွေတာရေး အစီအမံသစ်များကို စတင်လိုက်သည်။ အဆိုပါ စည်းမျဉ်းသစ်များအရ အစိုးရရုံးလုပ်ငန်းအချိန်များကို နံနက် ၉ နာရီမှ ညနေ ၄ နာရီအထိ ကန့်သတ်လိုက်ပြီး၊ ဈေးနှင့် ကုန်တိုက်များကို ညနေ ၆ နာရီတွင် အပြီးပိတ်သိမ်းရန် အမိန့်ထုတ်ပြန်ခဲ့သည်။ ထို့ပြင် ပညာရေးကဏ္ဍတွင်လည်း အွန်လိုင်းသင်ကြားရေးစနစ်သို့ ပြောင်းလဲရန် စဉ်းစားနေပြီး လျှပ်စစ်ဘတ်စ်ကား တင်သွင်းမှုများကို အခွန်ကင်းလွတ်ခွင့်ပေးရန် စီစဉ်နေသည်။ လူဦးရေ ၁၇၅ သန်းအတွက် စွမ်းအင်လိုအပ်ချက်နှင့် လောင်စာဆီတင်သွင်းရန် လိုအပ်သော နိုင်ငံခြားငွေ ကျပ်တည်းမှုကြောင့် အစိုးရအနေဖြင့် ပြည်ပချေးငွေ အမေရိကန်ဒေါ်လာ ၂.၅ ဘီလီယံကျော်ကိုပါ ထပ်မံရှာဖွေနေရကြောင်း သိရှိရပါသည်။