ဗီယက်နမ်ရှိ ကားလမ်းမထက်တွင် လမ်းလျှောက်နေသော ကလေးငယ်တစ်ဦးကို ကားဆရာတစ်ဦးက အချိန်မီ ကယ်ဆယ်နိုင်ခဲ့

ဗီယက်နမ်နိုင်ငံ၏ လူသွားလူလာများသော ကားလမ်းမကြီးတစ်ခုပေါ်တွင် အသက် (၂) နှစ်အရွယ်ခန့်ရှိသော ကလေးငယ်တစ်ဦးသည် မိဘများမသိလိုက်ဘဲ လမ်းလယ်ခေါင်သို့ တစ်ဦးတည်း ထွက်လာခဲ့ရာ၊ ထိုလမ်းအတိုင်း မောင်းနှင်လာသော ကုန်တင်ကားဆရာတစ်ဦးက ကလေးငယ်ကို အချိန်မီ မြင်တွေ့ခဲ့သဖြင့် ကားကို ရပ်တန့်ကာ လမ်းပေါ်မှ အမြန်ဆုံး ပွေ့ချီကယ်ထုတ်ပေးခဲ့သည့် ဖြစ်ရပ်တစ်ခု ဧပြီလ ၅ ရက်နေ့တွင် ဖြစ်ပွားခဲ့သည်။ လူမှုကွန်ရက်ပေါ်တွင် ပျံ့နှံ့နေသော ဗီဒီယိုမှတ်တမ်းအရ အဆိုပါ ကားဆရာ၏ လျင်မြန်သော ဆုံးဖြတ်ချက်နှင့် စိတ်ရင်းစေတနာကြောင့် ကလေးငယ်မှာ ဘေးအန္တရာယ်မရှိဘဲ မိသားစုထံသို့ ပြန်လည်ရောက်ရှိသွားခဲ့ကြောင်းနှင့် ၎င်း၏ လုပ်ရပ်အပေါ် ပြည်သူများက များစွာ ချီးကျူးလျက်ရှိကြောင်း သိရသည်။