ဗီယက်နမ်မြောက်ပိုင်းတွင် ပိတ်ပင်ထားသော ဓာတုဗေဒပစ္စည်းများသုံး၍ ပဲပင်ပေါက် တန် ၅၀၀ ကျော် ထုတ်လုပ်ခဲ့သည့် အမျိုးသမီးကို တရားစွဲဆို

ဗီယက်နမ်နိုင်ငံမြောက်ပိုင်း၊ ဟိုင်ဖုန်း (Hai Phong) မြို့တွင် နေထိုင်သော အသက် ၅၄ နှစ်အရွယ် အမျိုးသမီးတစ်ဦးသည် စားသုံးသူများ၏ ကျန်းမာရေးကို ထိခိုက်စေနိုင်သည့် ပိတ်ပင်ထားသော ဓာတုဗေဒပစ္စည်းများကို အသုံးပြု၍ ပဲပင်ပေါက် တန်ပေါင်း ၅၁၀ ကျော် ထုတ်လုပ်ရောင်းချခဲ့မှုဖြင့် တရားစွဲဆိုခြင်း ခံထားရကြောင်း ဧပြီလ ၅ ရက်နေ့ သတင်းများအရ သိရသည်။ အဆိုပါ အမျိုးသမီးသည် ပဲပင်ပေါက်များ ပိုမိုဖွံ့ဖြိုးမြန်ဆန်စေရန်နှင့် ရေရှည်အထားခံစေရန်အတွက် တရုတ်နိုင်ငံထုတ် တားမြစ်ဓာတုဆေးရည်များကို အသုံးပြုခဲ့ခြင်းဖြစ်ပြီး၊ ၂၀၂၄ ခုနှစ်မှစ၍ ယခုအချိန်အထိ ဒေသတွင်းဈေးကွက်များသို့ အမြောက်အမြား ဖြန့်ဖြူးရောင်းချခဲ့ခြင်းဖြစ်ကြောင်း စုံစမ်းစစ်ဆေးမှုများအရ ပေါ်ပေါက်ခဲ့သည်။