တောင်ကိုရီးယားသမ္မတက လက်ရှိ စွမ်းအင်အကျပ်အတည်းကို အဆုံးသတ်ရန်မမြင်နိုင်သော "စစ်ပွဲကဲ့သို့အခြေအနေ" ဟု တင်စားပြောကြား

တောင်ကိုရီးယားသမ္မတ Lee Jae-myung က အရှေ့အလယ်ပိုင်းပဋိပက္ခကြောင့် ဖြစ်ပေါ်လာသည့် စွမ်းအင်အကျပ်အတည်းသည် ပြည်သူတို့၏ လူနေမှုဘဝအပေါ် "စစ်ပွဲကဲ့သို့သော အခြေအနေ" (War-like situation) ဆိုက်ရောက်နေစေပြီး ယင်းမှာ အချိန်တိုအတွင်း ပြီးဆုံးမည့် အရိပ်အယောင်မရှိကြောင်း ဧပြီလ ၂ ရက်နေ့ လွှတ်တော်မိန့်ခွန်းတွင် ထည့်သွင်းပြောကြားခဲ့သည်။ အဆိုပါ စီးပွားရေးအကျပ်အတည်းကို ကျော်လွှားရန်အတွက် ကိုရီးယားဝမ် ၂၆.၂ ထရီလီယံ (အမေရိကန်ဒေါ်လာ ၁၇.၂ ဘီလီယံခန့်) ရှိသော နောက်ထပ်ဘတ်ဂျက် (Supplementary budget) ကို အမြန်ဆုံးအတည်ပြုပေးရန် လွှတ်တော်သို့ တိုက်တွန်းထားပြီး၊ ယခုအခြေအနေသည် ခေတ္တခဏဖြတ်သန်းသွားမည့် မိုးရွာသွန်းမှုမျိုးမဟုတ်ဘဲ မည်မျှကြာရှည်မည်ကို ခန့်မှန်းရခက်သော "ဧရာမမုန်တိုင်းကြီး" နှင့် တူကြောင်း သမ္မတက သတိပေးခဲ့သည်။အစိုးရအနေဖြင့် ဤအရေးပေါ်အခြေအနေကို ရင်ဆိုင်ရန် ရနိုင်သမျှ အရင်းအမြစ်အားလုံးကို အသုံးချသွားမည်ဖြစ်ကာ၊ အခွင့်ကောင်းယူ၍ ဈေးတင်ရောင်းခြင်း သို့မဟုတ် ပစ္စည်းသိုလှောင်ခြင်းများအပေါ် လုံးဝသည်းခံမည်မဟုတ်ကြောင်းနှင့် ပြည်သူများအနေဖြင့်လည်း အများပြည်သူသယ်ယူပို့ဆောင်ရေးကို ပိုမိုအသုံးပြုခြင်းနှင့် လျှပ်စစ်မီးချွေတာခြင်းတို့ကဲ့သို့သော နေ့စဉ်ဘဝ စွမ်းအင်ချွေတာမှုများတွင် တက်ကြွစွာ ပူးပေါင်းပါဝင်ပေးကြရန် အလေးအနက် တိုက်တွန်းပြောကြားခဲ့ပါသည်။