အမ်းမရိတ်စ်နှင့် ဖလိုင်းဒူဘိုင်းအပါအဝင် အာရပ်စော်ဘွားများပြည်ထောင်စု (ယူအေအီး) ၏ လေကြောင်းလိုင်းများသည် အီရန်နိုင်ငံသားများကို နိုင်ငံအတွင်းသို့ ဝင်ရောက်ခွင့် သို့မဟုတ် ဖြတ်သန်းသွားလာခွင့်ပြုတော့မည်မဟုတ်ကြောင်း ဧပြီလ ၁ ရက် ဗုဒ္ဓဟူးနေ့တွင် ၎င်းတို့၏ ဝက်ဘ်ဆိုဒ်များမှတစ်ဆင့် ကြေညာခဲ့ကြောင်း သိရသည်။ ဖလိုင်းဒူဘိုင်း လေကြောင်းလိုင်း၏ အဆိုအရ ယူအေအီး “Golden Visa” ကိုင်ဆောင်ထားသည့် အီရန်နိုင်ငံသားများကိုမူ ယခုကန့်သတ်ချက်မှ ကင်းလွတ်ခွင့်ပြုထားကြောင်း သိရသည်။ အဆိုပါကန့်သတ်ချက်သည် အီရန်နှင့် ပင်လယ်ကွေ့နိုင်ငံများအကြား ပိုမိုတင်းမာလာချိန်တွင် ပေါ်ပေါက်လာခြင်း ဖြစ်သည်။
