ထိုင်းမှ ရိုက်ကူးသည့် မြန်မာနှင့် နှီးနွှယ်သော ရာဇဝင်ဇာတ်ကားများ ပုံစံပြောင်းလာ

ထိုင်းနိုင်ငံမှ ရိုက်ကူးသည့် မြန်မာနှင့် နှီးနွှယ်သည့် ရာဇဝင်ဇာတ်ကားများမှာ ပုံစံပြောင်းလာနေပြီး ချစ်ကြည်ရေးသဘောဆန်လာကြောင်း သိရသည်။ ယခင်က မြန်မာနှင့်ပတ်သက်၍ ထိုင်းနိုင်ငံဘက်က ရိုက်ကူးသောရာဇဝင်ဇာတ်ကားများတွင် မြန် မာကို ဗီလိန်အဖြစ်ထားသောပုံစံမျိုးရှိခဲ့ပြီး ယင်းဇာတ်ကားများသည် နာမည်ကြီးခဲ့သည်။ လတ်တလောတွင် ထိုင်း-မြန်မာ သမိုင်း ကြောင်းကိုအခြေခံကာရိုက်ကူးထားသော Hongsa­ wadee: The Last Duel ရုပ်ရှင်ဇာတ်လမ်းတွဲကို ထိုင်းနိုင်ငံအခြေစိုက်ရုပ်သံလိုင်း Channel One31 တွင် မကြာသေးခင်ရက်ပိုင်းက ထုတ်လွှင့်ပြသနေပြီး မြန်မာပရိသတ်အကြား ရေပန်းစားနေကြောင်းသိရသည်။