၂၀၁၅ ခုနှစ်နောက်ပိုင်း ဂျပန်မြို့ရွာအုပ်ချုပ်ရေးအဖွဲ့တွေရဲ့ ထက်ဝက်ကျော်မှာ စာရင်းသွင်းထားတဲ့ နိုင်ငံခြားသားကလေး အရေအတွက် မြင့်တက်လာကြောင်း NHK က တွေ့ရှိခဲ့ပါတယ်။ နေထိုင်သူအခြေခံစာရင်းက ရရှိတဲ့ ပြည်ထဲရေးဝန်ကြီးဌာနရဲ့ အချက်အလက်တွေကို အသုံးပြုပြီး NHK က Tokyo မြို့ရဲ့ မြို့နယ် ၂၃ ခု အပါအဝင် မြို့ရွာ ၁,၇၀၀ ကျော်မှာ အသက် ၁၄ နှစ်အထိ ကလေးအရေအတွက် ဘယ်လိုပြောင်းလဲလာတယ်ဆိုတာကို စိစစ်လေ့လာခဲ့ပါတယ်။ အဲဒီအသက်အရွယ်အပိုင်းအခြားရှိတဲ့ ဂျပန်ကလေးအရေအတွက်ဟာ ၂၀၁၅ ခုနှစ်နဲ့ နှိုင်းယှဉ်ရင် ၂.၅၈ သန်း ကျဆင်းသွားခဲ့ပြီး ပြီးခဲ့တဲ့နှစ် ဇန်နဝါရီ ၁ ရက်နေ့မှာ နိုင်ငံခြားသားကလေးအရေအတွက်ကတော့ ၁၁၇,၀၀၀ ကနေ ၂၉၉,၀၀၀ ကို မြင့်တက်လာခဲ့ပါတယ်။
