ကရင်နီပြည်နယ်၊ ဒီးမော့ဆိုအနောက်ခြမ်းတွင် စက်သုံးဆီစျေး တစ်လီတာလျှင် (၁၃၀၀၀)ကျပ်မှ (၁၅၀၀၀)ကျပ်အထိ ဝယ်ယူနေရကြောင်း ဒေသခံများက ပြောသည်။မြန်မာနိုင်ငံ နေရာအနှံ့ စက်သုံးဆီးရှားပါးမှု၊ စျေးနှုန်းမြင့်တက်မှုများကြောင့် ဒီးမော့ဆိုအနောက်ခြမ်းတွင် ယနေ့ ဧပြီလ (၁)ရက်နေ့ ပေါက်စျေးအရ စက်သုံးဆီ တစ်လီတာလျှင် (၁၅၀၀၀)ကျပ် စျေးအထိ ရှိလာခြင်းဖြစ်သည်။ထိုသို့ ကျပ် (၁၅၀၀၀)အထိ ပေါက်စျေးရှိနေသော်လည်း အချို့ဆိုင်များတွင် နံနက်ပိုင်းသာ ရောင်းချပြီး ဆိုင်အချို့ပိတ်ထားရကာ အရေအတွက် အများအပြား ဝယ်ယူ၍ မရနိုင်ပေ။
