အီတလီအသင်း ကမ္ဘာ့ဖလားနှင့် (၃) ကြိမ်ဆက် လွဲချော်ခဲ့ရပြီးနောက် နည်းပြဂတ်တူဆို တောင်းပန်စကားဆို

အီတလီလက်ရွေးစင်အသင်းသည် ၂၀၂၆ ကမ္ဘာ့ဖလားခြေစစ်ပွဲ Play-offs ဗိုလ်လုပွဲတွင် ဘော့စနီးယားအသင်းကို ပယ်နယ်တီအဆုံးအဖြတ်ဖြင့် ရှုံးနိမ့်ခဲ့ရသောကြောင့် ကမ္ဘာ့ဖလားပြိုင်ပွဲနှင့် (၃) ကြိမ်ဆက်တိုက် လွဲချော်သွားခဲ့ပြီဖြစ်သည်။ ပုံမှန်ပွဲချိန်နှင့် အချိန်ပိုတွင် (၁-၁) ဂိုးစီ သရေကျနေသဖြင့် ပယ်နယ်တီကန်ရာတွင် ဘော့စနီးယားက (၄-၁) ဂိုးဖြင့် အနိုင်ရရှိသွားခဲ့ခြင်းဖြစ်သည်။ကမ္ဘာ့ဖလားချန်ပီယံ (၄) ကြိမ်ဖြစ်ဖူးသည့် အီတလီအသင်းသည် ၂၀၁၈၊ ၂၀၂၂ နှင့် ယခု ၂၀၂၆ ပြိုင်ပွဲများအထိ ခြေစစ်ပွဲမအောင်မြင်သည့် မှတ်တမ်းဆိုးကို ရင်ဆိုင်လိုက်ရသည်။ ၂၀၂၅ ခုနှစ်တွင် အသင်းကို စတင်ကိုင်တွယ်ခဲ့သည့် နည်းပြ ဂတ်တူဆို သည် (၈) ပွဲကစားရာတွင် (၆) ပွဲနိုင် ရလဒ်ကောင်းများ ရရှိခဲ့သော်လည်း အရေးကြီးဆုံးပွဲတွင် ရှုံးနိမ့်ခဲ့ရသည်။