ကမ္ဘာ့ရေနံဈေးနှုန်း မြင့်တက်မှုဒဏ် လျှော့ချနိုင်ရန် ထိုင်းအစိုးရက လောင်စာဆီအခွန်လျှော့ချရေး စဉ်းစားနေ

ကမ္ဘာ့ရေနံဈေးနှုန်း မြင့်တက်လာမှုကြောင့် ပြည်သူများ၏ စားဝတ်နေရေးစရိတ် ကြီးမြင့်လာမှုကို သက်သာစေရန် ထိုင်းအစိုးရသည် လောင်စာဆီအပေါ် ကောက်ခံနေသည့် အခွန်နှုန်းထားများကို လျှော့ချရန် စီစဉ်နေကြောင်း သိရသည်။ အဆိုပါကိစ္စနှင့်ပတ်သက်၍ မတ်လ ၂၆ ရက်တွင် အထူးအစည်းအဝေးတစ်ရပ် ကျင်းပခဲ့ပြီး၊ လက်လီဈေးနှုန်းများ လျော့ကျစေရန်နှင့် ရေနံလောင်စာရန်ပုံငွေအပေါ် ဖိအားနည်းစေရန်အတွက် ဘဏ္ဍာရေးဝန်ကြီးဌာနကို လေ့လာခိုင်းထားပြီး ဖြစ်သည်။ သို့သော်လည်း လောင်စာဆီအခွန်ကို တစ်လီတာလျှင် တစ်ဘတ် (၁ Baht) လျှော့ချပါက အစိုးရဝင်ငွေသည် တစ်လလျှင် ၂ ဒသမ ၈ ဘီလီယံခန့် လျော့ကျသွားနိုင်သဖြင့် နိုင်ငံ၏ ရေရှည်ဘဏ္ဍာရေး တည်ငြိမ်မှုကို ထိခိုက်နိုင်သည့် စိုးရိမ်မှုများလည်း ရှိနေကြောင်း  သိရှိရပါသည်။