သင်္ကြန်ပိတ်ရက်အတွင်း အများပြည်သူခရီးသွားလာမှု အဆင်ပြေစေနိုင်ရန်အတွက် သင်္ကြန်အကြိုနေ့ဖြစ်တဲ့ ဧပြီ ၁၃ ရက်နေ့မှ သင်္ကြန် အတက်နေ့ ဧပြီလ ၁၇ ရက်နေ့အထိကို ပိတ်ရက်မရှိဘဲ YBS ကုမ္ပဏီ ၁၅ ခုမှ ယာဉ်လိုင်းပေါင်း ၇၁ လိုင်း၊ YBS ယာဉ်အစီးရေ ပေါင်း ၁၀၀၀ ကျော်ဖြင့် ပြေးဆွဲဝန်ဆောင်မှုပေးသွားမယ်လို့ ရန်ကုန်တိုင်းဒေသကြီးပုဂ္ဂလိကသယ်ယူပို့ဆောင်ရေးကြီးကြပ်မှုကော်မတီ (YRTC) ထံမှ သိရပါတယ်။
အဆိုပါ ကာလအတွင်းပြေးဆွဲပေးမယ့် ယာဉ်လိုင်းများတွင် YBS ၃၇၊ ၄၃၊ ၆၂ ၊ ၇၂ ၊ ၈၇ ၊ ၈၈၊ ၁၀၆ ၊ ၁၀၇၊ ၈၉ ၊ ၁၈ ၊ ၃၅ ၊ ၅၂ ၊ ၅၃ ၊ ၅၄ ၊ ၆၁ ၊ ၆၈ ၊ ၁၃၁ ၊ ၁၃၇ ၊ ၃၄ ၊ ၅ ၊ ၇၀ ၊ ၇၅ ၊ ၁၂၉ ၊ ၆ ၊ ၄၆ ၊ ၁၂ ၊ ၉၂ ၊ ၆၁ ၊ ၃၉ ၊ ၄၁ ၊ ၉၀ ၊ ၁၂၃ ၊ ၁၂၄ ၊ ၄၀ ၊ ၁၄၃ ၊ ၁ ၊ ၉ ၊ ၁၉ ၊ ၂၃ ၊ ၁၀၃၊ ၁၁၉ ၊ ၄၄ ၊ ၆၆ ၊ ၆၇ ၊ ၇၁ ၊ ၇၄ ၊ ၇၇ ၊ ၇၉ ၊ ၉၁ ၊ ၁၃၀ ၊ ၂၇ ၊ ၇၆ ၊ ၈၁ ၊ ၈၅ ၊ ၁၂၀ ၊ ၁၃၂ ၊ ၄၂ ၊ ၆၅ ၊ ၂၂ ၊ ၁၂၆ ၊ ၃၃၊ ၄၅၊ ၈၄ ၊ ၁၁၁ ၊ ၁၃၃ ၊ ၁၃၄ ၊ ၁၃၆ ၊ ၁၃၈ ၊ ၁၃၉၊ ၁၄၂ နှင့် ၁၄၄ စတဲ့ ယာဉ်လိုင်းများ ပါဝင်တယ်လို့ YRTC ရဲ့ တာဝန်ရှိသူတစ်ဦးကပြောပါတယ်။
ရုံးပိတ်ရက်ရှည်ဖြစ်တဲ့အတွက် သင်္ကြန်ရက်တွေမှာ ရန်ကုန်မြို့တွင်း မဖြစ်မနေသွားလာကြတဲ့ ခရီးသည်တွေအတွက် ရည်ရွယ်ပြီးဝန်ဆောင်မှုပေးတာဖြစ်ပါတယ်။ နှစ်ဆန်း ၂ ရက်နေ့လောက်မှာ ယာဉ်လိုင်းအားလုံးပြန်လည် ဝန်ဆောင်မှုပေးမှာဖြစ်ပါတယ်”လို့ ၎င်းက ပြောပါတယ်။သင်္ကြန်ကာလအတွင်း အထက်ပါ YBS ယာဉ်လိုင်းများရဲ့ ယာဉ်စီးခနှုန်းထားများကို ပုံမှန်အတိုင်းသာကောက်ခံဖို့ ညွှန်ကြားထားသလို သတ်မှတ်ယာဉ်စီးခနှုန်းထားထက် ပိုမိုကောက်ခံပါက YRTC ထံသို့ ယာဉ်လိုင်းနံပါတ်၊ ယာဉ်နံပါတ်တို့နှင့်အတူတိုင်ကြားနိုင်တယ်လို့လည်းသိရပါတယ်။
YRTC အနေနဲ့ သင်္ကြန်မဟုတ်တဲ့ ပုံမှန်ကာလတွေမှာတော့ YBS ယာဉ်လိုင်းကုမ္ပဏီ ၂၁ ခု၊ ယာဉ်လိုင်း ၁၄၁ လိုင်း၊ ယာဉ်အစီးရေ ၅,၄၆၂ စီးရှိပြီး နေ့စဉ်ယာဉ်အစီးရေ ၃,၅၀၀ ခန့်၊ ယာဉ်လိုင်း ၁၃၂ လိုင်းဖြင့် ခရီးသည် ၁ ဒသမ ၅ သန်းကျော်ကို သယ်ယူပို့ဆောင်ပြေးဆွဲဝန်ဆောင်မှုပေးနေတာဖြစ်တယ်လို့ သိရပါတယ်။
