ဧရာဝတီတိုင်းအတွင်း တောင်သူများ စက်သုံးဆီအခက်အခဲမရှိစေရန် လွှတ်တော်ကိုယ်စားလှယ်များ ပူးပေါင်းဖြေရှင်းပေးရန် တိုက်တွန်း

ဧရာဝတီတိုင်းဒေသကြီးအတွင်းရှိ တောင်သူများ နွေစပါးအောင်ရေတင်ခြင်းနှင့် ရိတ်သိမ်းခြင်းလုပ်ငန်းများတွင် စက်သုံးဆီအခက်အခဲမရှိစေရန် လွှတ်တော်ကိုယ်စားလှယ်များအနေဖြင့် သက်ဆိုင်ရာဒေသအာဏာပိုင်များနှင့် ပူးပေါင်းဖြေရှင်းပေးကြရန် တိုင်းဒေသကြီးလွှတ်တော်ဥက္ကဋ္ဌ ဦးသိန်းထွန်း က တိုက်တွန်းပြောကြားလိုက်သည်။ မတ်လ ၃၀ ရက်နေ့က ကျင်းပသည့် လွှတ်တော်ကိုယ်စားလှယ်များနှင့် တွေ့ဆုံပွဲတွင် ၎င်းက အထက်ပါအတိုင်း မှာကြားခဲ့ခြင်းဖြစ်ပြီး၊ အစိုးရဘက်မှ စီစဉ်ထားမှုများရှိသော်လည်း အောက်ခြေအဆင့်တွင် အမှန်တကယ် ဆီဝယ်ယူရရှိရန် အခက်အခဲရှိနေသည်ကို တွေ့ရှိရကြောင်း ဆိုသည်။