ဗီယက်နမ်လက်ရွေးစင် အမျိုးသားဖူဆယ်အသင်း အာဆီယံချန်ပီယံရှစ်ပြိုင်ပွဲအတွက် ထိုင်းနိုင်ငံသို့ ကြိုတင်ထွက်ခွာ

ထိုင်းနိုင်ငံတွင် ကျင်းပမည့် ၂၀၂၆ အာဆီယံဖူဆယ်ချန်ပီယံရှစ် (ASEAN Futsal Championship) ပြိုင်ပွဲသို့ ဝင်ရောက်ယှဉ်ပြိုင်ရန်အတွက် ဗီယက်နမ်လက်ရွေးစင် အမျိုးသားဖူဆယ်အသင်းသည် မတ်လ ၃၀ ရက်နေ့က ထိုင်းနိုင်ငံသို့ ကြိုတင်ထွက်ခွာသွားပြီဖြစ်သည်။ ဗီယက်နမ်အသင်းသည် ပြိုင်ပွဲအကြိုပြင်ဆင်မှုများ ပြုလုပ်ရန် စောစီးစွာ ရောက်ရှိလာခြင်းဖြစ်ပြီး အဖွင့်ပွဲစဉ်အဖြစ် မြန်မာ့လက်ရွေးစင် အမျိုးသားဖူဆယ်အသင်း နှင့် စတင်ရင်ဆိုင်ကစားရမည်ဖြစ်သည်။ ယခုနှစ်ပြိုင်ပွဲတွင် ဗီယက်နမ်အသင်းသည် အတွေ့အကြုံရင့်ကစားသမားများနှင့် လူငယ်သွေးသစ်များကို ပေါင်းစပ်ဖွဲ့စည်းထားပြီး အုပ်စုတွင်း အရေးပါသည့် မြန်မာအသင်းနှင့်ပွဲစဉ်အတွက် အထူးပြင်ဆင်လာကြောင်း သိရှိရပါသည်။