ယူအေအီးနိုင်ငံ၊ရှာဂျာမြို့တွင် မိုးသည်းထန်စွာရွာသွန်းမှုကြောင့် ပေးထားသည့် အခမဲ့ပါကင်စနစ်ကို ပြန်လည်ရုပ်သိမ်းကြောင်း ကြေညာ

ယူအေအီးနိုင်ငံ၊ ရှာဂျာမြို့တွင် မကြာသေးမီက မိုးသည်းထန်စွာရွာသွန်းပြီး ရေကြီးရေလျှံမှုများဖြစ်ပွားခဲ့စဉ်အတွင်း ပြည်သူများကို ကူညီရန်အတွက် အများပြည်သူဆိုင်ရာ ပါကင်နေရာများကို အခမဲ့အသုံးပြုခွင့်ပေးခဲ့ရာမှ ယခုအခါ အဆိုပါအခွင့်အရေးကို မတ်လ ၃၀ ရက်နေ့တွင် ပြန်လည်ရုပ်သိမ်းလိုက်ပြီဖြစ်သည်။ ရှာဂျာစည်ပင်သာယာရေးအဖွဲ့၏ ထုတ်ပြန်ချက်အရ မြို့တွင်းလမ်းမများနှင့် ပါကင်နေရာများတွင် ရေများပြန်လည်ကျဆင်းသွားပြီး ပုံမှန်အခြေအနေသို့ ရောက်ရှိသွားပြီဖြစ်သဖြင့် ကားပါကင်ခပေးဆောင်သည့်စနစ်ကို ပြန်လည်စတင်ခြင်းဖြစ်ပြီး၊ ယာဉ်ပိုင်ရှင်များအနေဖြင့် ဒဏ်ကြေးများမထိစေရန် ပါကင်ခများကို စနစ်တကျ ပြန်လည်ပေးဆောင်ကြရန် သတိပေးထားပါသည်။