ဗီယက်နမ်နိုင်ငံ၊ဟနွိုင်းတွင် ရောဂါရှိဝက်သား တန်ချိန် ၃၀၀ ကျော်နှင့် ပတ်သက်သည့် အရှုပ်တော်ပုံတွင် တာဝန်ရှိသူများအပါအဝင် ၈ ဦးကို တရားစွဲဆို

ဗီယက်နမ်နိုင်ငံ၊ ဟနွိုင်းမြို့တွင် ရောဂါရှိနေသော ဝက်သားတန်ချိန် ၃၀၀ ကျော်ကို ဈေးကွက်အတွင်း တရားမဝင် ဖြန့်ဖြူးရောင်းချခဲ့သည့် ဖြစ်ရပ်၌ တိရစ္ဆာန်ရောဂါထိန်းချုပ်ရေးနှင့် ကွာရန်တင်းဌာနမှ အရာရှိများအပါအဝင် စုစုပေါင်း ၈ ဦးကို အဂတိလိုက်စားမှု၊ တာဝန်ပေါ့လျော့မှုတို့ဖြင့် မတ်လ ၃၀ ရက်နေ့တွင် တရားစွဲဆိုလိုက်သည်။ အဆိုပါ ရောဂါရှိဝက်သားများသည် စားသုံးရန်မသင့်သော အခြေအနေရှိသော်လည်း တာဝန်ရှိသူအချို့က လာဘ်ငွေယူကာ စစ်ဆေးမှုလက်မှတ်များ အတုပြုလုပ်ပေးခဲ့ခြင်းဖြစ်ပြီး၊ ယင်းအသားများကို အေးခဲအသားထုတ်လုပ်သည့် စက်ရုံများသို့ ပေးပို့ကာ ပြုပြင်ရောင်းချခဲ့ခြင်းဖြစ်သည်။ ဤဖြစ်ရပ်သည် ပြည်သူ့ကျန်းမာရေးကို ကြီးမားစွာ ထိခိုက်စေသဖြင့် အာဏာပိုင်များက စုံစမ်းစစ်ဆေးမှုများ ဆက်လက်လုပ်ဆောင်နေပြီး ပြစ်မှုထင်ရှားပါက ပြင်းထန်သော ပြစ်ဒဏ်များ ချမှတ်သွားမည်ဖြစ်ကြောင်း ဖော်ပြထားပါသည်။