လေယာဉ်ဆီဈေးနှုန်း မြင့်တက်မှုကြောင့် ဗီယက်နမ်လေကြောင်းလိုင်းများ အရှုံးလျှော့ချနိုင်ရန် ရုန်းကန်နေရ

ကမ္ဘာ့ရေနံဈေးကွက် မတည်ငြိမ်မှုနှင့်အတူ လေယာဉ်ဆီ (Jet Fuel) ဈေးနှုန်းများ မြင့်တက်လာခြင်းကြောင့် ဗီယက်နမ်လေကြောင်းလိုင်းများသည် လုပ်ငန်းလည်ပတ်မှုစရိတ် ကြီးမြင့်လာပြီး အရှုံးပေါ်မည့်အရေးကို ရှောင်လွှဲနိုင်ရန် အသည်းအသန် ကြိုးပမ်းနေရကြောင်း မတ်လ ၃၀ ရက်နေ့ သတင်းအရ သိရသည်။ လေကြောင်းလိုင်းများအနေဖြင့် လောင်စာဆီကုန်ကျစရိတ်မှာ စုစုပေါင်းကုန်ကျစရိတ်၏ ၄၀ ရာခိုင်နှုန်းခန့်အထိ ရှိနေသဖြင့် ခရီးစဉ်အကြိမ်ရေညှိနှိုင်းခြင်း၊ ဆီချွေတာသည့် ပျံသန်းမှုစနစ်များ အသုံးပြုခြင်းနှင့် ပြည်တွင်းလက်မှတ်ဈေးနှုန်းများအပေါ် အခွန်အခအပြောင်းအလဲများ ပြုလုပ်ရန် အစိုးရထံ တင်ပြတောင်းဆိုခြင်းတို့ဖြင့် ဖြေရှင်းနေကြသော်လည်း၊ နိုင်ငံတကာခရီးစဉ်များ ပြန်လည်စည်ကားလာစေရန်နှင့် ဈေးကွက်ယှဉ်ပြိုင်နိုင်စွမ်းရှိစေရန်အတွက် စိန်ခေါ်မှုများစွာ ရင်ဆိုင်နေရဆဲဖြစ်ကြောင်း ဖော်ပြထားပါသည်။