တောင်ကိုရီးယားတွင် အထူးလိုအပ်ချက်ရှိကလေးများအတွက် သင်တန်းဖွင့်လှစ်သည့် ပုဂ္ဂလိကမူကြိုကျောင်း ၁ ကျောင်းသာရှိသဖြင့် အခက်တွေ့နေ

တောင်ကိုရီးယားနိုင်ငံတွင် မသန်စွမ်းနှင့် အထူးလိုအပ်ချက်ရှိသော ကလေးငယ်ဦးရေ သိသိသာသာ တိုးပွားလာနေသော်လည်း တစ်နိုင်ငံလုံးရှိ ပုဂ္ဂလိကမူကြိုကျောင်းပေါင်း ၃,၀၀၀ ကျော်အနက် အထူးပညာရေးအတန်း (Special Class) ဖွင့်လှစ်ထားသည့်ကျောင်းမှာ ၁ ကျောင်းသာရှိကြောင်း မတ်လ ၂၉ ရက်နေ့ သတင်းအရ သိရသည်။ အစိုးရမူကြိုကျောင်းများတွင် နေရာလွတ်မရှိခြင်းနှင့် ပုဂ္ဂလိကကျောင်းများက ကုန်ကျစရိတ်မြင့်မားမှု၊ ကျွမ်းကျင်ဆရာရှားပါးမှုတို့ကြောင့် လက်ခံရန် ငြင်းဆန်နေကြသဖြင့် မိဘများမှာ သားသမီးများအတွက် ပညာသင်ကြားခွင့်ရရှိရန် နှစ်ရှည်လများ စောင့်ဆိုင်းနေရသည့် အကျပ်အတည်းနှင့် ရင်ဆိုင်နေရကြောင်း ဖော်ပြထားပါသည်။