ကမ္ဘာ့ဖလားအတွက် အကောင်းဆုံးပြင်ဆင်မှုလို့ ပေါ်တူဂီအသင်းနည်းပြ မာတီနက်ဇ် သုံးသပ်

ပေါ်တူဂီအသင်းနည်းပြ ရောဘတ်တိုမာတီနက်ဇ်က မက္ကဆီကိုနဲ့ ဂိုးမရှိသရေကျတဲ့ပွဲအပြီး ကမ္ဘာ့ဖလားအတွက် အကောင်းဆုံးပြင်ဆင်မှုလို့သုံးသပ်ခဲ့ပါတယ်။ပေါ်တူဂီအသင်းမှာ အသင်းခေါင်းဆောင် စီရော်နယ်လ်ဒို မပါဝင်ပေမဲ့ ဘရူနိုဖာနန်ဒက်စ်၊ ဂျော်အိုဖေးလစ်တို့နဲ့ ပွဲထွက်လာခဲ့တာပါ။မက္ကဆီကိုအသင်းမှာတော့ အဓိကကစားသမားတချို့ ဒဏ်ရာပြဿနာတွေနဲ့ လွဲချော်ခဲ့ရပါတယ်။ပေါ်တူဂီအသင်း အသာစီးကကစားနိုင်ခဲ့ပေမဲ့ အခွင့်အရေးတွေ အသုံးမချနိုင်လို့ သရေကျခဲ့ရတာဖြစ်တယ်။ပေါ်တူဂီအသင်းဟာ လာမယ့်အင်္ဂါနေ့မှာ အမေရိကန်အသင်းနဲ့ ဆက်လက်ခြေစမ်းမှာဖြစ်ပါတယ်။