ဗီယက်နမ်နိုင်ငံက သက်ကြီးရွယ်အိုဦးရေ တိုးပွားလာမှုကို စီးပွားရေးအခွင့်အလမ်းသစ် (Silver Economy) အဖြစ် ရှုမြင်လာ

ဗီယက်နမ်နိုင်ငံတွင် သက်ကြီးရွယ်အိုဦးရေ မြန်မြန်ဆန်ဆန် တိုးပွားလာနေခြင်းကို စိန်ခေါ်မှုတစ်ခုထက် စီးပွားရေးဖွံ့ဖြိုးတိုးတက်မှုအတွက် အလားအလာရှိသော ကဏ္ဍသစ် (Silver Economy) အဖြစ် ပြောင်းလဲဖော်ဆောင်ရန် ပြင်ဆင်နေကြောင်း မတ်လ ၂၉ ရက်နေ့ သတင်းအရ သိရသည်။ လက်ရှိတွင် အသက် ၆၀ ကျော်သူ ၁၂ သန်းကျော်ရှိနေပြီး ၂၀၅၀ ခုနှစ်တွင် ၂၅ ရာခိုင်နှုန်းအထိ ရှိလာမည်ဟု ခန့်မှန်းထားသဖြင့် ကျန်းမာရေးစောင့်ရှောက်မှု၊ နည်းပညာ၊ ဘဏ္ဍာရေးနှင့် ခရီးသွားလုပ်ငန်းစသည့် ကဏ္ဍများတွင် သက်ကြီးရွယ်အိုများအတွက် သီးသန့်ဝန်ဆောင်မှုများ ပေးနိုင်ရန် အစိုးရနှင့် ပုဂ္ဂလိကကဏ္ဍတို့ ပူးပေါင်းဆောင်ရွက်နေခြင်းဖြစ်သည်။ ဤအစီအစဉ်သည် သက်ကြီးရွယ်အိုများ၏ ဘဝအရည်အသွေးကို မြှင့်တင်ပေးနိုင်ရုံသာမက နိုင်ငံ၏ စီးပွားရေးကိုလည်း အရှိန်အဟုန်သစ်ဖြင့် တွန်းအားပေးနိုင်မည်ဟု မျှော်လင့်ထားကြောင်း ဖော်ပြထားပါသည်။