ဓာတုပစ္စည်းများနှင့် ဆက်စပ်ပစ္စည်းများဆိုင်ရာ လုပ်ငန်းများကို ကြီးကြပ်လမ်းညွှန်နိုင်ရန် ဓာတုပစ္စည်းစီမံခန့်ခွဲရေး ဗဟိုဌာန ဖွင့်လှစ်

စက်မှုဝန်ကြီးဌာန စက်မှုပူးပေါင်းဆောင်ရွက်ရေးဦးစီးဌာန ဓာတုပစ္စည်းစီမံခန့်ခွဲရေး ဗဟိုဌာနကို ယမန်နေ့က ရန်ကုန်တိုင်း၊ အင်းစိန်မြို့နယ် ဆေးဝါးသုတေသနဝင်း၌  ရန်ကုန်တိုင်းဝန်ကြီးကြီးချုပ်နှင့် တာဝန်ရှိသူများ တက်ရောက်ဖွင့်လှစ်ပေးခဲ့ကြောင်း သိရသည်။ဓာတုပစ္စည်း စီမံခန့်ခွဲရေးဌာနသည် ဓာတုနှင့် ဆက်စပ်ပစ္စည်းများကို ထိန်းချုပ်စီမံခန့်ခွဲခြင်းဖြင့် သက်ရှိများကို ကာကွယ်ရန်နှင့် ပတ်ဝန်းကျင် ရာသီဥတုနှင့် ဂေဟစနစ်အပေါ် ဆိုးရွားသောထိခိုက်မှုများကို လျော့နည်းစေပြီး နိုင်ငံတစ်ဝန်းတွင် ဦးဆောင်ဓာတုပစ္စည်းစီမံခန့်ခွဲရေး ဗဟိုဌာနဖြစ်လာစေရန် ရည်ရွယ်ထားခြင်းဖြစ်ကြောင်း သိရသည်။