တရုတ်နိုင်ငံ၏ အမျိုးသားသံလုံးပစ် စံချိန်ကို ရှဉ်ကျားလျန် က အကွာအဝေး ၂၀.၉၅ မီတာဖြင့် စံချိန်ချိုး

တရုတ်နိုင်ငံ ကျီနန်မြို့၌ ကျင်းပလျက်ရှိသည့် ၂၀၂၆ ခုနှစ် အမျိုးသား မိုးလုံလေလုံအားကစား ချန်ပီယံရှစ်ပြိုင်ပွဲတွင် မတ် ၂၇ ရက်က ပြုလုပ်သည့် အမျိုးသားသံလုံးပစ်ပြိုင်ပွဲ၌ ရှဉ်ကျားလျန် က ၎င်းကိုယ်တိုင် တင်ထားခဲ့‌သော တရုတ်နိုင်ငံ၏ အမျိုးသားစံချိန်ကို အကွာအဝေး ၂၀.၉၅ မီတာ ပစ်ချက်ဖြင့် ချိုးဖျက်နိုင်ခဲ့ကြောင်း သိရသည်။ရှဉ်မှာ ယမန်နှစ်၏ အမျိုးသား မိုးလုံလေလုံ အားကစား ချန်ပီယံရှစ်တွင် တင်ထားသော ယခင်စံချိန် ၂၀.၄၄ မီတာကို ၀.၅၁ မီတာ မြှင့်တင်နိုင်ခဲ့သည်။ အသက် ၂၄ နှစ်အရွယ် ရှဉ် က ထျန်းကျင်းမြို့တွင် ဖေဖော်ဝါရီ၌ ကျင်းပခဲ့သော ၂၀၂၆ ခုနှစ် အာရှ မိုးလုံလေလုံ အားကစား ချန်ပီယံရှစ်ပြိုင်ပွဲတွင်လည်း အမျိုးသား သံလုံးပစ် ဗိုလ်လုပွဲ၌ အကွာအဝေး ၁၉.၉၉ မီတာ ပစ်ချက်ဖြင့် ကြေးတံဆိပ် ဆုရရှိခဲ့ပြီး ထိုအားကစားနည်းတွင် ကြီးထွားလာနေသည့် အင်အားတစ်ခုအဖြစ် ပေါ်ထွက်လာခဲ့ကြောင်း သိရသည်။