ထိုင်းနိုင်ငံတွင် ၂၀၂၆ ဇူလိုင်မှစတင်၍ ယာဉ်မောင်းလိုင်စင်လျှောက်ထားသူများ၏ ရာဇဝတ်မှုမှတ်တမ်းကို အွန်လိုင်းမှ တိုက်ရိုက်စစ်ဆေးမည်

ထိုင်းနိုင်ငံရဲတပ်ဖွဲ့နှင့် ကုန်းလမ်းပို့ဆောင်ရေးဦးစီးဌာန (DLT) တို့သည် အများပြည်သူဘေးကင်းလုံခြုံရေးအတွက် ယာဉ်မောင်းလိုင်စင်အသစ်လျှောက်ထားသူများနှင့် သက်တမ်းတိုးမည့်သူများ၏ ရာဇဝတ်မှုမှတ်တမ်းကို စစ်ဆေးမည့် စနစ်သစ်တစ်ခုကို ၂၀၂၆ ခုနှစ်၊ ဇူလိုင်လတွင် စတင်အကောင်အထည်ဖော်ရန် စီစဉ်နေသည်။ အဆိုပါစနစ်သည် အများပြည်သူသယ်ယူပို့ဆောင်ရေးနှင့် ကုန်စည်ပို့ဆောင်ရေးယာဉ် မောင်းနှင်သူများကို အဓိကထားစစ်ဆေးမည်ဖြစ်ပြီး၊ ဌာနနှစ်ခုကြား အီလက်ထရောနစ်အချက်အလက်များ မျှဝေအသုံးပြုခြင်းဖြင့် လုပ်ငန်းစဉ်များကို ပိုမိုမြန်ဆန်စေမည်ဖြစ်သည်။ ယခုစီမံချက်ကြောင့် ပြည်သူများအနေဖြင့် ရာဇဝတ်မှုကင်းရှင်းကြောင်း ထောက်ခံစာ သီးသန့်သွားယူရန်မလိုတော့ဘဲ အချိန်နှင့် ကုန်ကျစရိတ်များ သက်သာစေမည်ဖြစ်ကြောင်း သိရှိရပါသည်။