မတ်လအတွင်း ကိုရီးယားနိုင်ငံသို့ မြန်မာအလုပ်သမားများကို (၄)ကြိမ်စေလွှတ်ခဲ့

၂၀၂၆ ခုနှစ်၊ မတ်လအတွင်း ကိုရီးယားနိုင်ငံသို့ အစိုးရပြည်ပအလုပ်အကိုင်အေဂျင်စီ (POEA) မှတစ်ဆင့် EPS စနစ်ဖြင့် မြန်မာအလုပ်သမားများကို (၄) ကြိမ်ခွဲ၍ စေလွှတ်ခဲ့ကြောင်း ဆိုးလ်မြို့ရှိ မြန်မာသံရုံး၏ ထုတ်ပြန်ချက်အရ သိရသည်။ မတ်လ ၁၀ ရက်တွင် ဝန်ဆောင်မှုလုပ်သား ၁၇ ဦး၊ မတ်လ ၁၁ ရက်တွင် ကုန်ထုတ်နှင့် စိုက်ပျိုးရေးလုပ်သား ၇၃ ဦး၊ မတ်လ ၁၂ ရက်တွင် Re-entry လုပ်သား ၁ ဦးနှင့် မတ်လ ၂၅ ရက်တွင် ကုန်ထုတ်နှင့် ဆောက်လုပ်ရေးလုပ်သား ၃၀ ဦးတို့ အသီးသီး ရောက်ရှိခဲ့ကြခြင်းဖြစ်သည်။ ရောက်ရှိလာသည့် အလုပ်သမားများကို အလုပ်သမားသံအရာရှိက ကြိုဆိုနှုတ်ဆက်ခဲ့ပြီး၊ သံရုံးယာယီတာဝန်ခံ ဦးမျိုးမြင့်မောင်ကလည်း Video Call မှတစ်ဆင့် အားပေးစကားပြောကြားကာ အခက်အခဲရှိပါက သံရုံးသို့ အချိန်မရွေး ဆက်သွယ်ရန် မှာကြားခဲ့ကြောင်း သိရှိရပါသည်။