ဗီယက်နမ်နိုင်ငံ၊ဟနွိုင်းရှိ လောင်းဘီယန်တံတားတွင် ပြုပြင်ထိန်းသိမ်းရေးလုပ်ငန်းများ ဆောင်ရွက်ရန် ရက်ပေါင်း ၆၀ ကြာ လမ်းပိတ်မည်ဖြစ်

ဗီယက်နမ်နိုင်ငံ၊ ဟနွိုင်းမြို့ရှိ သမိုင်းဝင် လောင်းဘီယန် (Long Bien) တံတားအား အရေးပေါ် ပြုပြင်ထိန်းသိမ်းမှုများ ပြုလုပ်ရန်အတွက် မတ်လ ၂၈ ရက် (စနေနေ့) နံနက် ၉ နာရီမှစတင်၍ မေလ ၂၇ ရက်နေ့အထိ ရက်ပေါင်း ၆၀ ကြာ ပိတ်ထားမည်ဖြစ်ကြောင်း သိရသည်။ အဆိုပါကာလအတွင်း တံတားပေါ်ရှိ ဆိုင်ကယ်နှင့် လမ်းလျှောက်သူများ သွားလာမှုကို နှစ်ဖက်စလုံးတွင် ပိတ်ပင်ထားမည်ဖြစ်ပြီး၊ သွားလာသူများအနေဖြင့် အနီးနားရှိ ချောင်ယမ်း (Chuong Duong) တံတားသို့ လမ်းကြောင်းပြောင်း သွားလာကြရန်နှင့် ဘေးကင်းလုံခြုံရေးအတွက် စည်းကမ်းချက်များအတိုင်း လိုက်နာကြရန် အာဏာပိုင်များက သတိပေးနှိုးဆော်ထားပါသည်။