လေယာဉ်ဆီကြောင့်ဗီယက်နမ်လေကြောင်းလိုင်းများခရီးစဉ်အချို့ကို ရပ်နားမည်

အရှေ့အလယ်ပိုင်း ပဋိပက္ခကြောင့် ဂျက်လေယာဉ်လောင်စာဆီပြတ်လပ်မှုနှင့် ဆီဈေးမြင့်တက်လာမှုများသည် နိုင်ငံ၏ လေကြောင်းခရီးသွားလာမှုအပေါ် စတင်သက်ရောက်လာသောကြောင့် ဗီယက်နမ်လေကြောင်းလိုင်းများက ပြည်တွင်းလမ်းကြောင်းအချို့တွင် ခရီးစဉ်များကို ယာယီရပ်ဆိုင်းမည်ဖြစ်ကြောင်း သတင်းထုတ်ပြန် လိုက်သည်။ဂျက်လေယာဉ်လောင်စာဆီထောက်ပံ့ဖြည့်တင်းမှုများ ကျပ်တည်းလာခြင်းကြောင့် နိုင်ငံပိုင်လေကြောင်းလိုင်းသည် ဧပြီလ ၁ ရက်နေ့မှစ၍ တစ်ပတ်လျှင် ခရီးစဉ် ၂၃ ခုခန့်လျှော့ချသွားမည်ဖြစ်ကြောင်း ဗီယက်နမ်လေကြောင်းအာဏာပိုင်အဖွဲ့၏ သတင်းထုတ်ပြန်ချက်တွင် ဖော်ပြခဲ့သည်။ ဗီယက်ဂျက်လေကြောင်းလိုင်းသည်လည်း လမ်းကြောင်းအချို့၏ ခရီးစဉ်များကို လျှော့ချလျက်ရှိကြောင်း ၎င်း၏ ဘွတ်ကင်ဝက်ဘ်ဆိုက်ရှိ ခရီးစဉ်အချိန်ဇယားများအရ သိရသည်။