ရာသီကုန်မှာ ဆာလာနဲ့ လမ်းခွဲတော့မယ်လို့ လီဗာပူးလ်အသင်း ကြေညာ

လီဗာပူးလ်အသင်းသည် ၎င်းတို့၏ အအောင်မြင်ဆုံး တိုက်စစ်ကစားသမားတစ်ဦးဖြစ်သူ အသက် ၃၃ နှစ်အရွယ် မိုဟာမက်ဆာလာနှင့် ယခုရာသီကုန်တွင် လမ်းခွဲတော့မည်ဖြစ်ကြောင်း အတည်ပြုကြေညာလိုက်ပြီး ဆာလာကလည်း ပရိသတ်များကို နှုတ်ဆက်စကားဆိုခဲ့သည်။ ၂၀၁၇ ခုနှစ်တွင် ရိုးမားအသင်းမှ ရောက်ရှိလာခဲ့သည့် ဆာလာသည် လီဗာပူးလ်နှင့် ၉ နှစ်တာကာလအတွင်း ပြိုင်ပွဲစုံ ၄၅၅ ပွဲကစားကာ ၂၅၅ ဂိုး သွင်းယူပေးခဲ့ပြီး ပရီးမီးယားလိဂ် ချန်ပီယံဆု ၂ ကြိမ်၊ ချန်ပီယံလိဂ်ဖလား ၁ ကြိမ် အပါအဝင် ဆုဖလား ၈ လုံး ရရှိအောင် ကူညီပေးခဲ့သူဖြစ်သည်။ စာချုပ်သက်တမ်း တစ်နှစ်ကျန်ရှိသေးသော်လည်း နှစ်ဦးသဘောတူ စာချုပ်ဖျက်သိမ်းရန် ဆုံးဖြတ်ခဲ့ခြင်းဖြစ်ပြီး ၎င်းသည် လီဗာပူးလ်အသင်းသမိုင်းတွင် ပရီးမီးယားလိဂ် ဂိုးအများဆုံးသွင်းသူအဖြစ် မှတ်တမ်းဝင်ကာ အသင်းမှ ထွက်ခွာတော့မည်ဖြစ်ကြောင်း သိရှိရပါသည်။