ရန်ကုန်မြို့ပတ်ရထားလမ်းပိုင်း၌ မတ်လ ၂၅ ရက် မနက်ဖန် မှ စတင်ပြီး ဘက်ထရီလျှပ်စစ်စက်ခေါင်းဖြင့် ပြေးဆွဲသွားမည် ဖြစ်ကြောင်း မြန်မာ့မီးရထားမှ သိရသည်။အဆိုပါ ဘက်ထရီလျှပ်စစ်စက်ခေါင်းဖြင့် မြို့ပတ်ရထား စတင်ပြေးဆွဲသည့် အခမ်းအနားကို မတ်လ ၂၅ ရက်၊ မနက် ၇ နာရီမှာ ရန်ကုန်ဘူတာကြီး၊ အမှတ် ၁ စင်္ကြံ၌ ပြုလုပ်သွားမည် ဖြစ်ပြီးယင်း မြို့ပတ်ရထားတွင် လူစီးတွဲ ၄ တွဲနှင့် ဘရိတ်တွဲ ၁ တွဲ ပါဝင်မည်ဖြစ်ကြောင်းသိရသည်။ ထိုသို့ ရန်ကုန်မြို့ပတ်လမ်းပိုင်း၌ ဘက်ထရီလျှပ်စစ်စက်ခေါင်းကို အသုံးပြုသည့်အတွက် ဒီဇယ်စက် ခေါင်းအသုံးပြုမှုနှင့်နှိုင်းယှဉ်ပါက တစ်ရက်လျှင် ကျပ် ၆ သိန်းကျော်ခန့် သက်သာသွားမည် ဖြစ်ကြောင်းသိရသည်။
