မြောက်ကိုရီးယားခေါင်းဆောင် ကင်မ်ဂျုံအန်းက သူ့တိုင်းပြည်ဟာ နျူကလီးယားလက်နက်များ ထုတ်လုပ်ရေးကနေ နောက်ဆုတ်မှာ မဟုတ်ဘူးလို့ ကြုံးဝါးလိုက်ပါတယ်။ နျူကလီးယားရပ်တည်ချက်က ပြန်ပြင်လို့မရတော့ဘူးလို့ ဆိုလိုက်ပြီး ဒါဟာ နိုင်ငံရေးဆိုတာထက် သတိပေးချက်နဲ့ ပိုတူနေပါတယ်။ မြောက်ကိုရီးယား ထိပ်သီးဆုံးဖြတ်ချက်ချမှတ်ရေးအဖွဲ့ တိုင်းပြည်ရေးရာကော်မရှင်ရဲ့ အကြီးအကဲအဖြစ် ပြန်လည်ခန့်အပ်ခံရပြီး နောက်တစ်ရက်မှာပဲ ကင်မ်ဂျုံအန်းက အခုလို ထုတ်ပြန်လိုက်တာ ဖြစ်ပါတယ်။ အမေရိကန်၊ အစ္စရေးလ်နဲ့ အီရန်စစ်ပွဲကြားမှာ ပါဝင်ပတ်သက်ခွင့် မရမှာကို ကင်မ်ဂျုံအန်း စိုးရိမ်နေတဲ့ အကြောင်းအရာတွေ အင်တာနက်မှာ ထွက်ပေါ်နေပါတယ်။
