ထိုင်းနိုင်ငံတွင် ယနေ့အပူချိန် ၄၀ ဒီဂရီစင်တီဂရိတ်ထက် ကျော်လွန်နိုင်ပြီး ပြည်နယ် ၃၄ ခု၌ မိုးသက်လေပြင်းသတိပေးချက်ထုတ်ပြန်

ထိုင်းမိုးလေဝသဌာန၏ ခန့်မှန်းချက်အရ ယနေ့တွင် ထိုင်းနိုင်ငံတစ်ဝန်း အလွန်အမင်းပူပြင်းကာ အမြင့်ဆုံးအပူချိန်မှာ ၄၀ ဒီဂရီစင်တီဂရိတ်ထက် ကျော်လွန်နိုင်ကြောင်းနှင့် ဘန်ကောက်အပါအဝင် ပြည်နယ် ၃၄ ခုတွင် မိုးကြိုးပစ်ခြင်းနှင့် လေပြင်းတိုက်ခတ်ခြင်းများ ဖြစ်ပေါ်နိုင်ကြောင်း သိရသည်။ အထူးသဖြင့် နေ့လယ်ပိုင်းအချိန်များတွင် အပူရှိန်ပြင်းထန်မှုကြောင့် ဖြစ်ပေါ်လာသည့် လေဖိအားနည်းရပ်ဝန်းနှင့်အတူ တောင်ပိုင်းလေစီးကြောင်းများကြောင့် နေရာကွက်ကျား မိုးသက်လေပြင်းများ ကျရောက်နိုင်သဖြင့် ပြည်သူများအနေဖြင့် ကျန်းမာရေးနှင့် လေပြင်းအန္တရာယ်ကို ဂရုပြုရန် တိုက်တွန်းထားသည်။ ထို့ပြင် လေဝင်လေထွက်အားနည်းမှုကြောင့် မြောက်ပိုင်း၊ အရှေ့မြောက်ပိုင်းနှင့် အလယ်ပိုင်းဒေသများတွင် ဖုန်မှုန့်နှင့် မီးခိုးမြူ (PM 2.5) စုပုံမှု မြင့်တက်နေပြီး ဘန်ကောက်မြို့တွင်မူ အမြင့်ဆုံးအပူချိန် ၃၈ ဒီဂရီစင်တီဂရိတ်အထိ ရှိနိုင်ကြောင်း သိရှိရပါသည်။