အင်္ဂလန်အသင်းရဲ့ ကမ္ဘာ့ဖလားလူစာရင်းကနေ ချန်လှပ်ခံခဲ့ရတဲ့ ရီးရဲလ်မက်ဒရစ် နောက်ခံလူ ထရန့်အလက်ဇန္ဒားအာနိုးဟာ လေ့ကျင့်ရေးအစီအစဉ်ကို နောက်ကျမှ ရောက်ရှိလာခဲ့တာကြောင့် အက်သလက်တီကိုနဲ့ ဒါဘီပွဲစဉ်မှာ အရန်ခုံမှာသာ ထိုင်ခဲ့ရပါတယ်။နည်းပြ အာဘီလိုအာက အာနိုးရဲ့ စည်းကမ်းပိုင်းအားနည်းမှုကို အရေးယူတဲ့အနေနဲ့ ဒန်နီကာဗာဟယ်ကို ပွဲထွက်ကစားသမားအဖြစ် အသုံးပြုခဲ့တာဖြစ်ပြီး အာနိုးကတော့ ပွဲပြီးခါနီး ၁၅ မိနစ်မှသာ လူစားဝင်ကစားခွင့်ရခဲ့တာပါ။ရီးရဲလ်မက်ဒရစ်က (၃-၂) ဂိုးနဲ့ အနိုင်ရရှိခဲ့တဲ့ အဆိုပါပွဲစဉ်မှာ ဗီနီစီးယပ်စ်က ၂ ဂိုး၊ ဗယ်ဗာဒီ ၁ ဂိုး သွင်းယူပေးခဲ့ပြီး ဇယားထိပ်က ဘာစီလိုနာကို ၄ မှတ်အကွာနဲ့ ဆက်လက်ဖိအားပေးနိုင်ခဲ့ပါတယ်။
