မြန်မာနိုင်ငံမှ မလေးရှားနိုင်ငံသွားရောက်မည့် အလုပ်သမားများအားလုံး အသက်ရှူလမ်းကြောင်းဆိုင်ရာကျန်းမာရေး ဂရုပြုလိုက်နာရန် အလုပ်သမားဝန်ကြီးဌာန၊ အလုပ်သမားညွှန်ကြားရေးဦးစီးဌာနက သတိပေးချက် ထုတ်ပြန်ခဲ့သည်။မလေးရှားနိုင်ငံအတွင်း ကျန်းမာရေးနှင့် အသက်ရှူလမ်းကြောင်းဆိုင်ရာ ကျန်းမာရေးစည်းကမ်းချက်များကိုလိုက်နာရန်၊ လတ်တလောတွင် တီဘီရောဂါဖြစ်ပွားသူပိုမိုများပြားနေ၍ ထိရောက်သောကုသမှုနှင့် ကာကွယ်ရေးလုပ်ငန်းများကို အရှိန်အဟုန်မြှင့်လုပ်ဆောင်ရန် သတိပေးခဲ့သည်။မလေးရှားနိုင်ငံ၊ ကျန်းမာရေးဝန်ကြီးဌာန၏ လူမှုကွန်ယက်စာမျက်နှာတွင် မြန်မာနိုင်ငံမှ မလေးရှားနိုင်ငံသွားရောက်မည့် အလုပ်သမားများအားလုံး တီဘီရောဂါကဲ့သို့ အသက်ရှူလမ်းကြောင်းဆိုင်ရာကျန်းမာရေးအသိပေးချက်များကို ဂရုပြုလိုက်နာရန် သတင်းထုတ်ပြန်ထားကြောင်း သိရသည်။
