ထိုင်းနိုင်ငံတွင် ကျင်းပပြုလုပ်မည့် အာရှဖလား ကမ္ဘာ့အဆင့်သတ်မှတ်ချက် (၁) မြားပစ်ပြိုင်ပွဲသို့ လေ့လာရန် အားကစားနှင့်လူငယ်ရေးရာဝန်ကြီးဌာန တာဝန်ရှိသူများ ယမန်နေ့ ညနေပိုင်းက ထိုင်းနိုင်ငံသို့ ထွက်ခွာသွားပြီဖြစ်ကြောင်း သိရသည်။ပြိုင်ပွဲကို မတ်လ (၂၁)ရက်မှ (၂၈) ရက်နေ့အထိ ကျင်းပပြုလုပ်သွားမည်ဖြစ်ပြီး၊ အားကစားနှင့် ကာယပညာဦးစီးဌာနဒုတိယညွှန်ကြားရေးမှူးချုပ် နှင့် အားကစားနှင့်ကာယပညာဦးစီးဌာန ဒုတိယညွှန်ကြားရေးမှူးတို့ တက်ရောက်ကြခြင်းဖြစ်သည်။
အာရှဖလား ကမ္ဘာ့အဆင့်သတ်မှတ်ချက် (၁) မြားပစ်ပြိုင်ပွဲသို့ တက်ရောက်လေ့ လာမည့် မြန်မာကိုယ်စားလှယ်အဖွဲ့အား အားကစားနှင့်ကာယပညာဦးစီးဌာနမှ ညွှန်ကြားရေးမှူးများက ပို့ဆောင် နှုတ်ဆက်ခဲ့ကြသည်။
