အာရှဖလားခြေစစ်ပွဲ ဒုတိယအကျော့ မြန်မာ-အာဖဂန်နစ္စတန်ပွဲစဉ်ကို ရန်ကုန်၌ ပြောင်းရွှေ့ကျင်းပမည်

၂၀၂၇ အာရှဖလားခြေစစ်ပွဲစဉ်အဖြစ် အာဖဂန်နစ္စတန်အသင်းနှင့် ယှဉ်ပြိုင်ရမည့် ဒုတိယအကျော့ပွဲစဉ်ကို ကာတာနိုင်ငံ၊ ဒိုဟာမြို့အစား မြန်မာနိုင်ငံ၊ ရန်ကုန်မြို့ရှိ သုဝဏ္ဏကွင်း၌ ပြောင်းရွှေ့ကျင်းပသွားမည်ဖြစ်သည်။ အရှေ့အလယ်ပိုင်းဒေသ၏ စစ်ရေးအခြေအနေများကြောင့် ယခုကဲ့သို့ ပြောင်းရွှေ့လိုက်ခြင်းဖြစ်ပြီး အဆိုပါပွဲစဉ်ကို မတ်လ ၂၆ ရက်တွင် ယှဉ်ပြိုင်သွားမည်ဖြစ်သည်။ ပထမအကျော့တွင် မြန်မာအသင်းက အာဖဂန်နစ္စတန်ကို ၂ ဂိုး ၁ ဂိုးဖြင့် အနိုင်ရရှိထားပြီးဖြစ်ကာ ယခုပွဲစဉ်အတွက် မြန်မာ့လက်ရွေးစင် ပဏာမကစားသမား ၂၈ ဦးစာရင်းကိုလည်း ယနေ့တွင် ထုတ်ပြန်ကြေညာထားကြောင်း သိရှိရပါသည်။