ထိုင်းနိုင်ငံ၊သုဝဏ္ဏဘူမိလေဆိပ်က တက္ကဆီတွေ ဆီမလုံလောက်လို့ ဝန်ဆောင်မှုရပ်နားမည်

ဘန်ကောက် သုဝဏ္ဏဘူမိလေဆိပ်က SUV နဲ့ Van အမျိုးအစား တက္ကဆီတွေ ဝန်ဆောင်မှု ရပ်ဆိုင်းတော့မယ်လို့ သိရပါတယ်။ အခုတောင် တော်တော်များများက ခရီးဝေးဆို မလိုက်တော့တာတွေ၊ ဝန်ဆောင်မှုပေးတဲ့အချိန်လျှော့တာတွေ တဖြည်းဖြည်းလုပ်နေကြပါပြီ။ အကြောင်းအရင်းကတော့ ခရီးတန်းလန်းမှာ ဆီကုန်သွားလို့ ဖြည့်မရတာတွေ၊ ဆီဆိုင်မှာ ဆီမရတာတွေဖြစ်မှာ ကြောက်လို့ပါ။ကားအစီး ၅,၀၀၀-၆,၀၀၀ ရှိတဲ့ထဲကမှ လက်ရှိမှာတော့ ၂,၅၀၀ ကျော်သာ ဝန်ဆောင်မှုပေးနေပြီး အဓိက မနက်ပိုင်းသာ တက္ကဆီတွေရှိပါတော့တယ်။ ရှိတဲ့ကားတွေကလည်း ခရီးတိုတွေသာလိုက်နေပြီး ဝေးရင် လုံးဝ လုံးဝ မလိုက်တော့ပါ။ The Suvarnabhumi Taxi Coordination Association ကတော့ အစိုးရကို ဒီကိစ္စ ဝင်ရောက် ဖြေရှင်းပေးဖို့တောင်းဆိုထားပြီး၊ တက္ကဆီတွေကို မီတာပုံစံကနေ Grab/ Bolt တို့လို Application အနေနဲ့ လုပ်ပေးဖို့လည်း တက္ကဆီ ဆရာတွေက တောင်းဆိုနေကြပါတယ်။