ထိုင်းနိုင်ငံ နေရာ ၃ ခုမှာ တရားမဝင် အလုပ်လုပ်နေတဲ့ မြန်မာ ၅ ဦး အဖ-မ်းခံရ

၂၀၂၆ ခုနှစ် မတ်လ ၁၉ ရက်နေ့မှာ ထိုင်းနိုင်ငံ ဘန်ကောက်, Nonthaburi နဲ့ Trat မှာ တရားမဝင် အလုပ်လုပ်ကိုင်နေတဲ့ မြန်မာနိုင်ငံသားတွေ အပါအဝင် နိုင်ငံခြားသား အလုပ်သမားတွေကို အာဏာပိုင်တွေက ဝင်ရောက်ဖ-မ်းဆီးခဲ့ပါတယ်။ဘန်ကောက် က Bang Rak ခရိုင် Thaniya Soi မှာရှိတဲ့ ဘားတစ်ခုမှာတော့ အသက် ၂၇ နှစ်အရွယ် မြန်မာအမျိုးသမီး စန်းဟုန် (Seng Hom) နဲ့ သူ့ကို အလုပ်ခန့်ထားတဲ့ အသက် ၃၉ နှစ်အရွယ် ဆိုင်မန်နေဂျာ Narissara တို့ကို ရဲတပ်ဖွဲ့က ဖ-မ်းဆီးခဲ့ပါတယ်။ အဲဒီ မြန်မာအမျိုးသမီးဟာ ခွင့်ပြုထားတဲ့ အလုပ်အကိုင် အမျိုးအစားပြင်ပမှာ လုပ်ကိုင်နေတာ ဖြစ်ပါတယ်။Nonthaburi ပြည်နယ် Bang Yai ခရိုင်မှာလည်း ထိုင်းနိုင်ငံသားတွေရဲ့ တိုင်ကြားချက်အရ အဆောင်တစ်ခုမှာ ကုန်စုံဆိုင် ဖွင့်လှစ်ရောင်းချနေတဲ့ အသက် ၄၉ နှစ်အရွယ် ဦးကို နဲ့ အသက် ၄၀ အရွယ် ဒေါ်သူဇာ ဆိုတဲ့ မြန်မာဇနီးမောင်နှံကို ဖ-မ်းဆီးခဲ့ပါတယ်။ သူတို့ဟာ ထိုင်းလူမျိုးတွေကို အမည်ခံခိုင်းပြီး တစ်ရက်ကို ဘတ် ၃၅၀ နဲ့ အလုပ်လုပ်နေတာလို့ ထွက်ဆိုထားပါတယ်။ အဲဒီနေ့ မနက်ပိုင်းမှာပဲ Trat ပြည်နယ် Khao Saming ခရိုင် Saen Tung ဈေးမှာလည်း နိုင်ငံခြားသားတွေ လုပ်ခွင့်မရှိတဲ့ ဈေးရောင်းချတဲ့ အလုပ်ကို လုပ်ကိုင်နေတဲ့ မြန်မာ ၂ ဦး၊ ကမ္ဘောဒီးယား ၄ ဦးနဲ့ လာအို ၁ ဦး စုစုပေါင်း ရွှေ့ပြောင်းအလုပ်သမား ၇ ဦးကို ဖ-မ်းဆီးခဲ့ပါတယ်။ ဖ-မ်းဆီးခံရသူတွေ အားလုံးကို သက်ဆိုင်ရာ ရဲစခန်းတွေမှာ အမှုဖွင့် အရေးယူထားပြီး ဥပဒေနဲ့အညီ အရေးယူသွားမှာ ဖြစ်ပါတယ်။