ဆံတော်ရှင် ကျိုက်ထီးရိုးစေတီတော်၏ ဘုရားပွဲတော်ကာလ ငါးလကျော်အတွင်းတွင် ပြည်တွင်းဘုရားဖူး လာရောက်သူဦးရေ ပေါင်း ၁၀ သိန်းကျော်ရှိလာကြောင်း ဘဏ္ဍာတော်ထိန်းဂေါပကအဖွဲ့ထံမှ သိရသည်။ထိုဘုရားဖူးရာသီကာလအတွင်း လတ်တလောစာရင်းများအရ လွန်ခဲ့သောဒီဇင်ဘာလတွင် ဘုရားဖူးအများဆုံး လာရောက်ခြင်းဖြစ်ပြီး ပြည်တွင်းဘုရားဖူးဦးရေ ၃ ဒသမ ၄ သိန်းနှင့် ပြည်ပဧည့်သည် ၈၀၀ ကျော် လာရောက်ခဲ့ကြကြောင်း သိရသည်။ထိုသို့လာရောက်သည့် ပြည်ပဧည့်သည်များအနက်တွင် နိုင်ငံပေါင်း ၂၈ ခုမှပါဝင်ပြီး အများဆုံးမှာ ထိုင်းနိုင်ငံမှဖြစ်သလို သီရိလင်္ကာမှ ဒုတိယအများဆုံး၊ ဗီယက်နမ်နှင့် ကမ္ဘောဒီးယားတို့မှ တတိယအများဆုံး လာရောက်ကြည်ညိုခဲ့ကြကြောင်း ဘဏ္ဍာတော်ထိန်း ဂေါပကအဖွဲ့ထံမှ သိရသည်။
