လောင်စာဆီ ပြတ်လပ်မှုကြောင့် ထိုင်းပို့ဆောင်ရေး၊ ခရီးသွားနှင့် ဒေသခံများ၏ စားဝတ်နေရေး ထိခိုက်

ထိုင်းနိုင်ငံတစ်ဝန်းတွင် လောင်စာဆီပြတ်လပ်မှု ပြဿနာ ပိုမိုဆိုးရွားလာခြင်းကြောင့် ကဏ္ဍအသီးသီးရှိ လုပ်ငန်းရှင်များနှင့် ဒေသခံများမှာ အစိုးရ၏ အရေးပေါ်ဖြေရှင်းပေးမှုကို တောင်းဆိုနေကြရသည်။ နွန်သဘူရီခရိုင် ကိုကရက်ကျွန်းရှိ ဆိုင်ကယ်ကယ်ရီသမားများမှာ ဆီပြတ်လပ်မှုကြောင့် လုပ်ငန်းရပ်နားရမည့်အခြေအနေနှင့် ရင်ဆိုင်နေရသလို၊ ဘွန်ကန်ခရိုင်ရှိ ဆီဆိုင်များတွင်လည်း ဆီရရှိရန် နာရီပေါင်းများစွာ တန်းစီစောင့်ဆိုင်းနေရပြီး ကားအမျိုးအစားအလိုက် ငွေကျပ် ၅၀၀ ဘတ်မှ ၁,၅၀၀ ဘတ်အထိသာ ကန့်သတ်ရောင်းချပေးနေသည်။ အယုဒ္ဓယခရိုင်ရှိ ဆင်စခန်းများတွင်လည်း ဆီဖိုးချွေတာရန်အတွက် ဆင်များကို ကားဖြင့်မတင်တော့ဘဲ လမ်းလျှောက်ခိုင်းနေရကာ ဆင်စာသယ်ယူပို့ဆောင်ရေးလုပ်ငန်းများပါ ပြတ်တောက်နိုင်သည့်အန္တရာယ်ရှိနေသည်။ ထို့ပြင် နယ်လှည့်ဖျော်ဖြေရေးအဖွဲ့များနှင့် တောင်သူများမှာလည်း ဆီကန့်သတ်ချက်များကြောင့် သွားလာချိန်ပိုမိုကြာမြင့်ကာ အကျိုးအမြတ် ထိခိုက်နေကြပြီး၊ ယခုပြဿနာ ကြာရှည်နေပါက သင်္ကြန်ကာလခရီးသွားလာရေးနှင့် လူသုံးကုန်ဈေးနှုန်းများအပေါ် ကြီးမားစွာ သက်ရောက်လာနိုင်ကြောင်း သိရှိရပါသည်။