ရွှေ့ပြောင်းကလေးများ အခမဲ့ပညာသင်ကြားခွင့် ကန့်ကွက်လွှာအား ထိုင်းတက်ကြွလှုပ်ရှားသူအဖွဲ့ တင်သွင်း

ထိုင်းနိုင်ငံသားမဟုတ်သူနှင့် အိမ်ထောင်စုစာရင်းမရှိသူ ရွှေ့ပြောင်းကလေးငယ်များကို အခမဲ့ပညာသင်ကြားခွင့်ပြုသည့် မူဝါဒအား ကန့်ကွက်ရန်အတွက် Tae Archiwa ဦးဆောင်သော Thai Intolerance Team အဖွဲ့သည် လက်မှတ်ပေါင်း ၈၆,၀၀၀ ကျော်ပါဝင်သည့် ကန့်ကွက်လွှာကို မတ်လ ၁၇ ရက် တွင် ပညာရေးဝန်ကြီးဌာနသို့ တင်သွင်းခဲ့ကြောင်း သိရသည်။ အဆိုပါအဖွဲ့သည် တရားဝင်အထောက်အထားမရှိသော ကျောင်းသားများ ကျောင်းအပ်နှံခွင့်ပြုသည့် ၂၀၂၅ ခုနှစ် စည်းမျဉ်းကို ဆိုင်းငံ့ရန် တောင်းဆိုထားပြီး၊ ထိုင်းကလေးငယ်များပင် အခမဲ့ပညာသင်ကြားခွင့် အပြည့်အဝမရရှိသေးချိန်တွင် နိုင်ငံခြားသားများအတွက် အခွန်ငွေ ဘတ်သန်း ၈၀၀ ကျော် အသုံးပြုမည့်အပေါ် မေးခွန်းထုတ်ခဲ့ကြသည်။ ဝန်ကြီးဌာနကိုယ်စားလှယ်က အဆိုပါကန့်ကွက်လွှာကို လက်ခံရယူကာ ပြန်လည်သုံးသပ်သွားမည်ဟု ပြောကြားခဲ့သော်လည်း၊ တက်ကြွလှုပ်ရှားသူ Tae ကမူ တစ်စုံတစ်ရာ ထူးခြားမှုမရှိပါက ဝန်ကြီးချုပ်ရုံးအထိ ဆက်လက်တင်ပြသွားမည်ဖြစ်ကြောင်းနှင့် အဆိုပါမူဝါဒကို အမြန်ဆုံးပယ်ဖျက်ပေးရန် တိုက်တွန်းထားကြောင်း သိရှိရပါသည်။