ထိုင်းမှာ ကြောင်စီးပွားရေးတိုးတက်ပြီး ကြောင်ကောင်ရေ ၄ သန်းကျော်လာ

ထိုင်းနိုင်ငံ၏ လူဦးရေဖွဲ့စည်းပုံပြောင်းလဲလာမှု၊ တစ်ကိုယ်တော်နေထိုင်သူများပြားလာမှုနှင့် မွေးဖွားနှုန်းကျဆင်းလာမှုတို့ကြောင့် "ကြောင်စီးပွားရေး" (Cat Economy) မှာ သိသိသာသာ တိုးတက်လာနေပြီး ၂၀၂၆ ခုနှစ်တွင် တစ်နိုင်ငံလုံးရှိ အိမ်မွေးကြောင်ကောင်ရေ ၄ သန်းကျော်အထိ ရှိလာမည်ဟု Kasikorn သုတေသနဌာနက ခန့်မှန်းထားသည်။ ttb analytics ၏ အချက်အလက်များအရ အိမ်မွေးတိရစ္ဆာန်စျေးကွက်တန်ဖိုးမှာ ၂၀၁၉ ခုနှစ်က ဘတ် ၃၃ ဘီလီယံသာရှိခဲ့သော်လည်း ၂၀၂၆ ခုနှစ်တွင် ဘတ် ၁၀၁.၄ ဘီလီယံအထိ မြင့်တက်လာဖွယ်ရှိနေကာ အိမ်မွေးတိရစ္ဆာန်ကို သားသမီးကဲ့သို့ သဘောထားသည့် "Pet Humanisation" အလေ့အထကြောင့် ပိုင်ရှင်အချို့မှာ ကြောင်တစ်ကောင်အတွက် တစ်နှစ်လျှင် ပျမ်းမျှ ဘတ် ၅၀,၅၀၀ ခန့်အထိ (သာမန်ထက် ၆ ဆခန့်ပို၍) သုံးစွဲလာကြကြောင်း သိရသည်။ ယင်းအပြင် ထိုင်းနိုင်ငံသည် အရည်အသွေးမြင့် ကြောင်စာတင်ပို့မှုတွင်လည်း အားကောင်းလာပြီး ၂၀၂၆ ခုနှစ်၌ ပို့ကုန်တန်ဖိုး အမေရိကန်ဒေါ်လာ ၃ ဘီလီယံအထိ ရောက်ရှိရန် မျှော်မှန်းထားသလို၊ ဘန်ကောက်မြို့၏ တိရစ္ဆာန်ထိန်းချုပ်ရေးဥပဒေသစ်အရ အိမ်မွေးတိရစ္ဆာန်များကို မိုက်ခရိုချစ်ပ်ဖြင့် မှတ်ပုံတင်ရန်နှင့် နေရာအကျယ်အဝန်းအလိုက် မွေးမြူခွင့်ကောင်ရေ ကန့်သတ်ချက်များကိုလည်း စတင်ကျင့်သုံးနေပြီဖြစ်ကြောင်း သိရှိရပါသည်။