လာအိုနိုင်ငံ၊ ဗီယက်ကျင်းမြို့ရှိ ဟွေဟုန်းစက်သုံးဆီဆိုင်တွင် ယနေ့နံနက်ပိုင်းက တန်းစီစောင့်ဆိုင်းနေသည့် လူတန်းရှည်ကြီးများ ဖြစ်ပေါ်လျက်ရှိ

လာအိုနိုင်ငံ၊ ဗီယက်ကျင်းမြို့ရှိ ဟွေဟုန်း စက်သုံးဆီဆိုင်တွင် ယနေ့နံနက် ၇ နာရီခွဲဝန်းကျင်ခန့်မှစတင်ကာ စက်သုံးဆီဝယ်ယူရန် စောင့်ဆိုင်းနေကြသည့် ယာဉ်တန်းရှည်ကြီးများ ဖြစ်ပေါ်လျက်ရှိကြောင်း သိရသည်။ လက်ရှိတွင် လာအိုနိုင်ငံ၌ စက်သုံးဆီပြတ်လပ်မှုနှင့် ထောက်ပံ့မှုဆိုင်ရာ အခက်အခဲများ ဆက်တိုက်ကြုံတွေ့နေရသဖြင့် တစ်နိုင်ငံလုံးရှိ စက်သုံးဆီဆိုင်များ၏ ထက်ဝက်နီးပါးမှာ ပိတ်ထားရဆဲဖြစ်ကြောင်း သိရှိရပါသည်။